अदानी अंबानी टेम्पोमधून पैसे देतात, हे तुम्हाला कसे माहिती? पर्सनल अनुभव आहे का?: राहुल गांधी

नवी दिल्ली : काँग्रेस पक्षाने उद्योगपती अदानी आणि अंबानी यांच्याकडून मोठ्या प्रमाणात काळा पैसा गोळा केला असून हे पैसे घेतल्यानंतर काँग्रेसने त्यांच्यावर टीका करणे बंद केले आहे, असा गंभीर आरोप करून लोकसभा निवडणुकीचा प्रचार पंतप्रधान नरेंद्र मोदी यांनी दुसऱ्याच दिशेला नेला. कधीही अदानी-अंबानीवर न बोलणाऱ्या मोदींनी थेट प्रचारसभेत या उद्योगपतींची नावे घेऊन सगळ्यांनाच आश्चर्याचा धक्का दिला. दरम्यान, मोदींच्या याच आरोपांना काँग्रेस नेते राहुल गांधी यांनी अतिशय जोरकसपणे उत्तर दिले.नमस्कार मोदीजी, थोडेसे घाबरला आहात का? एरवी आपण अदानी-अंबानींच्या गोष्टी बंद खोलीत करता. आज पहिल्यांदाच जाहीररित्या आपण अदानी-अंबानींचे नाव घेतले. ते टेम्पोमधून पैसे देतात, हे तुम्हाला कसे माहितीये? तुमचा हा वैयक्तिक अनुभव आहे का? असा चिमटा काढत राहुल गांधी यांनी मोदींना डिवचले.
‘आपण PM आहात’, मोदींच्या शरद पवारांवरील टीकेचा राहुल गांधींकडून पुण्यात समाचार

तसेच सीबीआय आणि ईडीला अदानी आणि अंबानींकडे पाठवून न घाबरता त्यांची संपूर्ण चौकशी करा, असे आव्हानही राहुल गांधी यांनी मोदींना दिले. राहुल गांधी पुढे बोलताना म्हणाले, “मी देशाला सांगू इच्छितो नरेंद्र मोदींनी जेवढा पैसा या दोघांना दिलाय तेवढाच पैसा आम्ही भारतातल्या गरीब लोकांना देणार आहोत. महालक्ष्मी योजना, पहिली नोकरी पक्की योजना या आणि अशा योजनांच्या माध्यमातून करोडो लोकांना आम्ही लखपती बनवू, असे देशातील तमाम लोकांना सांगू इच्छितो…”
दिल्लीत जसा एक युवराज आहे, तसाच पाटण्यामध्येही ‘युवराज’; दोघांचे रिपोर्ट कार्ड सारखेच- पंतप्रधान मोदी

राहुल गांधी यांचा व्हिडीओतून मोदींवर हल्लाबोल

नमस्कार मोदीजी, थोडेसे घाबरला आहात का? एरवी आपण अदानी-अंबानींच्या गोष्टी बंद खोलीत करता. आज पहिल्यांदाच जाहीररित्या आपण अदानी-अंबानींचे नाव घेतले. ते टेम्पोमधून पैसे देतात, हे तुम्हाला कसे माहिती? हा तुमचा वैयक्तिक अनुभव आहे का? मी देशाला सांगू इच्छितो नरेंद्र मोदींनी जेवढा पैसा या दोघांना दिलाय तेवढाच पैसा आम्ही भारतातल्या गरीब लोकांना देणार आहोत.
महाराष्ट्र हे काँग्रेसी विचारांचे राज्य, काँग्रेसची विचारधारा मराठी माणसाच्या रक्तात : राहुल गांधी

अदानी-अंबानी आणि राहुल गांधी यांच्यात अशी कोणती डील झाली? मोदींचा सवाल

मागील पाच वर्ष काँग्रेसचे राजकुमार अदानी आणि अंबानी यांच्यावर आरोप करत होते. मात्र निवडणूक जाहीर होताच अचानक त्यांनी अदानी अंबानींवर बोलणे बंद केले. दोन्ही उद्योगपतींकडून त्यांना किती बॅगा भरून काळा पैसा मिळाला? अदानी-अंबानी आणि राहुल गांधी यांच्यात अशी कोणती डील झाली? ज्यामुळे आता एका रात्रीत राहुल गांधी यांचा दृष्टीकोन बदलला, असा सवाल करून मोदींनी राहुल यांच्यावर टीका केली.