Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
लस मागे घेण्याच्या चर्चांवर कंपनीने बोलताना सांगतिलं, की कोविड-१९ लशींचे अनेक प्रकार विकसित केले गेले असल्याने, अद्ययावत लस अधिक प्रमाणात उपलब्ध आहेत. त्यामुळे लशींच्या मागणीत घट झाली आहे, जी उत्पादित किंवा पुरवठा केली जात नाही. ॲस्ट्राजेनेकाने ५ मार्च रोजी लस मागे घेण्यासाठी अर्ज केला होता. त्यानंतर ७ मे पासून हे काम प्रभावीपणे सुरु झालं.
ॲस्ट्राजेनेका कंपनीविरोधात केस
ॲस्ट्राजेनेका कंपनीवर ब्रिटनमध्ये कारवाई सुरू आहे. कंपनीविरोधात दाखल केलेल्या खटल्यात असा दावा केला आहे, की कंपनीच्या लशीमुळे मृत्यू आणि गंभीर शारीरिक दुष्परिणाम, हानी झाली आहे. ब्रिटनमधील जेमी स्कॉट नावाच्या व्यक्तीने ॲस्ट्राजेनेकाविरोधात तक्रार दाखल केली होती. त्यानंतर खटला दाखल करण्यात आला आहे.
कंपनीविरोधात दाखल केलेल्या खटल्यात असं म्हटलंय, की लस घेतल्यानंतर त्या व्यक्तीच्या मेंदूमध्ये रक्ताची गुठळी तयार झाली, त्यामुळे मेंदूला गंभीर इजा झाली. सुरुवातीला कंपनीने लशीमुळे कोणताही आजार होण्याची बाब नाकारली, मात्र नंतर न्यायालयात लशीमुळे टीटीएस नावाचा अतिशय दुर्मिळ आणि गंभीर आजार होऊ शकतो, ही बाब मान्य केली.
भारतातूनही परत मागवल्या जाणारा लशी?
कंपनीने युरोपमधील लस मागे घेण्याचा निर्णय घेतला आहे. त्यानंतर आता ॲस्ट्राजेनेका याच कंपनीची भारतात दिलेली कोविशील्ड नावाची लस देखील मागे घेणार का असा सवाल उपस्थित होत आहे. कोविशील्डची निर्मिती पुण्यातील सीरम इन्स्टिट्यूट ऑफ इंडियाने केली आहे. ही जगातील सर्वात मोठी लस उत्पादक कंपनी आहे. अशा परिस्थितीत सीरमला देखील ही लस मागे घेण्याचा निर्णय घ्यावा लागेल का? असा सवाल उपस्थित होत आहे. ब्रिटनमधील प्रकारानंतर आता भारतातही या लसीबाबत चिंता व्यक्त करण्यात आली आहे.