Fact Check: माजी पंतप्रधान नरसिंह रावांना भारतरत्न मिळाला तेव्हा खरगे यांनी टाळी वाजवली नाही? वाचा व्हायरल फोटोचे सत्य

नवी दिल्ली : २०२४ च्या भारतरत्न सोहळ्याचा फोटो शेअर करताना सोशल मीडिया यूजर्सनी धक्कादायक दावा केला आहे. त्यात म्हटले आहे की, माजी पंतप्रधान पीव्ही नरसिंह राव यांच्या मुलाने त्यांच्या दिवंगत वडिलांच्या वतीने हा सन्मान स्वीकारला तेव्हा काँग्रेस अध्यक्ष मल्लिकार्जुन खरगे यांनी टाळ्या वाजवल्या नाहीत.

हा दावा खरा आहे का?
मल्लिकार्जुन खरगे यांच्याबाबत केला जात असलेला हा दावा खरा नाही. भारतरत्न समारंभाशी संबंधित व्हिडिओमध्ये, माजी पंतप्रधान पीव्ही नरसिंह राव यांचा मुलगा पुरस्कार स्वीकारण्यासाठी राष्ट्रपती द्रौपदी मुर्मू यांच्याकडे आले तेव्हा मल्लिकार्जुन खरगे टाळ्या वाजवताना दिसत आहेत.

आम्हाला कसे कळले?
स्त्रोत शोधण्यासाठी आम्ही फोटोवर रिव्हर्स इमेज सर्च केले आणि ते पंतप्रधान नरेंद्र मोदी यांच्या अधिकृत X खात्याने शेअर केले असल्याचे आढळले. यावरून फोटोशी छेडछाड झाली नसल्याची पुष्टी झाली. पुढे, आम्ही भारताच्या राष्ट्रपतींच्या YouTube चॅनेलवर भारतरत्न पुरस्कार सोहळ्याचे व्हिज्युअल पाहिले. कार्यक्रमाचे व्हिडिओ 31 मार्च 2024 रोजी इव्हेंटच्या एका दिवसानंतर प्रकाशित झाले. येथे, आम्हाला त्यांच्या दिवंगत वडिलांच्या वतीने पी.व्ही. प्रभाकर राव यांना भारतरत्न मिळालेला व्हिडिओ आढळला. या व्हिडिओमध्ये खर्गे सात सेकंद टाळ्या वाजवताना स्पष्ट दिसत आहेत.

खरगे यांनी टाळ्या वाजवताना हात वर केलेला एक स्क्रीनशॉट येथे आहे.

निष्कर्ष
‘द क्विंट’ने केलेल्या तपासणीत माजी पंतप्रधान पीव्ही नरसिंह राव यांना मरणोत्तर भारतरत्न प्रदान करण्याच्या समारंभात काढलेला फोटो खोटा दावा करून शेअर केला जात असल्याचे आढळून आले आहे. काँग्रेस अध्यक्ष मल्लिकार्जुन खरगे यांनी कार्यक्रमादरम्यान टाळी वाजवली नाही, असे बोलले जात आहे. असे अजिबात नाही, माजी पंतप्रधान पीव्ही नरसिंह राव यांचे पुत्र पी.व्ही. प्रभाकर राव हे त्यांच्या दिवंगत वडिलांच्या जागी सन्मान स्वीकारण्यासाठी पोहोचले तेव्हा खरगे यांनी सात सेकंद टाळ्या वाजवल्या.

(ही कथा मूळत: द क्विंटने प्रकाशित केली होती. शक्ती कलेक्टिव्हचा भाग म्हणून मटाने पुनर्प्रकाशित केली आहे.)