पाळीव प्राण्यांना ही करता येणार आता ट्रेन आणि फ्लाईटने प्रवास, पाहा काय आहेत नियम…

नवी दिल्ली : प्राणी पाळायला अनेकांना आवडतात पंरतु त्यांना सांभाळणं तितकं सोपं नसतं आणि त्यांना घेऊन प्रवास करणं तर त्याहून अवघड हाेतं. असं असताना कुठे जायचं झाले आणि पल्ला लांबचा असेल तर त्यांना घरी ठेऊन जावं लागतं. पण आता रेल्वेच्या या नियमामुळे कुत्रा किंवा मांजर पाळणाऱ्यांचे हे प्रश्न आता सुटणार आहेत. काही कामानिमित्त लांबच्या अंतरावर जायचं असेल तर एकतर आपल्याला आपल्या कुत्रा आणि मांजरीसाठी खाणं-पिणं ठेवून त्यांना घरी बांधून ठेववं लागतं किंवा एखाद्या मित्रांच्या घरी सोडव लागतं. मात्र आता असे करण्याची गरज नाही. हे नियम लक्षात घेत आपण विमान आणि ट्रेनमध्ये देखील आपले पेट्स सोबत घेऊन जाऊ शकता.भारतीय रेल्वेने पाळीव प्राण्यांसह प्रवास करण्यासाठी आपल्या प्राण्यांची आणि सहप्रवाशांची सुरक्षितता सुनिश्चित करण्यासाठी काळजीपूर्वक नियोजन आणि विशिष्ट मार्गदर्शक तत्त्वांचे पालन करणे आवश्यक आहे. रेल्वे प्रवास सुरू करण्यापूर्वी, भारतीय रेल्वेच्या धोरणाची ओळख करून घेणे महत्वाचे आहे. हे धोरण पाळीव प्राणी आणि त्यांचासह प्रवास करण्यासाठी ही नियम आणि कायदे तयार करते, ज्यामुळे प्रत्येकाला सुरळीत प्रवास करता येईल. विमानाने प्रवास करयचा झाला तर प्रत्येक विमान कंपनीचे वेगळे नियम असतात. या नियमांची दखल घेतली तरच तुम्ही तुमच्या पेट्ससोबत प्रवास करू शकता.
Ghatkopar Hoarding Collapse Incident: जबाबदारी कोणाची? ८ जणांचा जीव गेला, ५० हून अधिक जखमी; सोशल मीडियावर पालिका-रेल्वेची जुंपली

भारतीय रेल्वेनेचे नियम

1. ट्रेनमध्ये फक्त कुत्रे, मांजर आणि पक्ष्यांना पाळीव प्राणी म्हणून परवानगी आहे.
2. पाळीव प्राण्यांना फक्त एसी, फर्स्ट क्लास आणि फर्स्ट क्लास डब्यात प्रवास करण्याची परवानगी आहे.
3. यानंतर तुम्हाला स्टेशनच्या चीफ रिझर्व्हेशन ऑफिसरकडे अर्ज लिहावा लागतो, ज्यात तुम्ही तुमच्या पाळीव प्राण्याबद्दल माहिती देता. हा अर्ज ऑनलाईन आणि ऑफलाइन अशा दोन्ही पद्धतीने लिहिता येतो.
4. ट्रेनमध्ये प्रवास करण्यापूर्वी तुमच्या पाळीव प्राण्यांला लस ही घ्यावी लागणार आहे. याशिवाय त्यांना प्रवास करता येणार नाही.
5. ट्रेनमध्ये प्रवास करताना एका प्रवाशाच्या (पीएनआर) वर एकच पेट प्रवास करू शकतो पण त्यासाठी त्यांचे वेगळे तिकीट काढावे लागेल.
6. पाळीव प्राण्यांच्या मालकाला प्रवासाच्या सुमारे दोन तास आधी स्थानकावर पोहोचावे लागते जेणेकरून ते लस प्रमाणपत्र, कन्फर्म तिकीट, इत्यादी आवश्यक कागदपत्रे वेळेपूर्वी स्टेशन ऑफिसरला दाखवू शकतील.
7. या प्रवासात आपल्या पाळीव प्राण्याची सगळी जबाबदारी मालकाला घ्यावी लागते.
8. भारतीय रेल्वे पेट्सवर स्वतंत्र शुल्क आकारते. प्राण्यांच्या वजनानुसार तुम्हाला रक्कम भरावी लागते.

तिकिटांसाठी लांबच लांब रांगेत उभे राहताय? थांबा! जाणून घ्या रेल्वेची सुविधा
एअर इंडियाचे नियम

1. इथे जर आपल्याला आपल्या पेट्ससोबत प्रवास करायचा असेल तर आधी फ्लाइटच्या कमांडरची परवानगी घ्यावी लागेल.
2. याशिवाय तुम्हाला प्रवास करता येणार नाही.
3. तर रेल्वेप्रमाणे इथे ही प्राण्याचे पूर्ण लसीकरण करणे आवश्यक आहे तसेच सहप्रवाशांच्या सुरक्षिततेसाठी त्यांना कंटेनरमध्ये ठेवणे गरजेचे आहे.
4. त्यांचे वजन ५ किलोपेक्षा जास्त नसावे.