Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
तैवानची स्मार्टफोन निर्माता कंपनी HTC लवकरच भारतात एक नवीन स्मार्टफोन लाँच करू शकते. कंपनीनं बुधवारी एक सोशल मीडिया पोस्टच्या माध्यमातून एक नवीन प्रोडक्ट टीजर केला आहे. या हँडसेटच्या लाँचची तारीख समजली नाही. हा HTC U24 सीरीजचा एक स्मार्टफोन असू शकतो.
HTC Wildfire E Star
HTC नं सोशल मीडिया प्लॅटफॉर्म X वर एक पोस्टच्या माध्यमातून देशात एक नवीन प्रोडक्ट लाँच करणार असल्याची दिली आहे. यात हा डिव्हाइस Al24U टेक्स्टसह दिसत आहे. हा HTC U24 सीरीजचा एक स्मार्टफोन असू शकतो. या सीरीजमध्ये HTC U24 आणि HTC U24 Pro चा समावेश होऊ शकतो. अलीकडेच यातील एक स्मार्टफोन बेंचमार्किंग साइट Geekbench आणि Bluetooth SIG वर मॉडेल नंबर 2QDA100 सह दिसला होता. या स्मार्टफोनमध्ये क्वॉलकॉमचा Snapdragon 7 Gen 3 चिपसेट मिळू शकतो. सोबत 12GB RAM सह कंपनी अँड्रॉइड 14 ओएस देऊ शकते.
या स्मार्टफोन्समध्ये HTC U23 आणि U23 Pro च्या तुलनेत बरेच अपग्रेड मिळू शकतात. यात फुल HD+ OLED डिस्प्ले 120Hz रिफ्रेश रेटसह मिळू शकतो. नवीन स्मार्टफोन लाँच करून HTC भारतात पुनरागमन करेल. प्रीमियम स्मार्टफोन सादर करणारी या तैवानी कंपनीनं चिनी कंपन्यांपुढे हात टेकले होते, आणि काही वर्षांपूर्वी आपल्या मोबाइल डिव्हिजनचा बिजनेस कमी केला होता.
HTC Wildfire E Star
गेल्यावर्षी HTC नं Wildfire E Star स्मार्टफोन लाँच केला होता. यात 6.5 इंचाचा LCD डिस्प्ले (720 x 1,600 पिक्सल) देण्यात आला आहे. ड्युअल सिम असलेल्या या स्मार्टफोनमध्ये 8 मेगापिक्सलचा रियर कॅमेरा आणि 5 मेगापिक्सलचा सेल्फी कॅमेरा आहे. यात प्रोसेसर म्हणून यात Unisoc SC9832E आहे. हा स्मार्टफोन आफ्रिकेत आला होता. यात सिक्योरिटीसाठी साइड माउंटेड फिंगरप्रिंट सेन्सर आहे.
HTC Wildfire E Star मध्ये 2GB RAM आणि 16GB ची स्टोरेज आहे. याची स्टोरेज मायक्रोएसडी कार्डच्या माध्यमातून वाढवता येते. हा स्मार्टफोन अँड्रॉइड 12 गो एडिशनवर चालतो. यात 3,000mAh ची बॅटरी आहे जी 5W चार्जिंगला सपोर्ट करते. कनेक्टिव्हिटीसाठी यात 4G VoLTE, वाय-फाय, ब्लूटूथ, जीपीएस आणि 3.5mm ऑडियो जॅकचे ऑप्शन मिळतात.