नेहमी हातातून निसटतो तुमचा फोन? जाणून घ्या कोणते स्क्रीन गार्ड ठरेल तुमच्यासाठी बेस्ट

मोबाईल फोनमधील स्क्रीन फ्रेमबाबत अनेकांना प्रश्न निर्माण होत असतात. लोकांचा असा विश्वास असतो की स्क्रीन प्रोटेक्टरशिवाय टच अधिक चांगले काम करते. याशिवाय, बऱ्याच लोकांचा असा विश्वास आहे की ते स्क्रॅच आणि नुकसानापासून डिव्हाइसचे प्रोटेक्शन करतात. यातही कंपनीचे ऑथोराइझ प्रोटेक्टर बसवायचे की लोकल मार्केटमधून ते खरेदी करायचे अशी दुविधा निर्माण होते. आज आम्ही तुमच्या अशाच काही प्रश्नांची उत्तरे देणार आहोत.

आजकाल काही स्मार्टफोन्स बॉक्समध्ये स्क्रीन प्रोटेक्टरसह येतात. बहुतेक स्मार्टफोन्सवर हे TPU (थिन-फिल्म थर्मोप्लास्टिक पॉलीयुरेथेन) स्क्रीनगार्ड लावलेले असते. हे स्क्रॅचपासून स्क्रीनचे प्रोटेक्शन करू शकतात परंतु पडल्यामुळे होणाऱ्या नुकसान होण्यापासून प्रोटेक्शन करू शकत नाहीत. जर तुम्हाला तुमचे डिव्हाईस जास्त काळासाठी वापरायचे असेल तर त्याचा वापर करू नये.

लोकांच्या हातातून स्मार्टफोन निसटणे आणि खाली पडणे खूप सामान्य झाले आहे, TPU ऐवजी टेम्पर्ड स्क्रीन गार्ड सारख्या इतर ऑप्शन्सचा ते विचार करू शकतात. हे प्रोटेक्टर तुमच्या फोनच्या डिस्प्लेला नुकसान होण्यापासून वाचवते.

स्क्रीन गार्डचे नेमके किती प्रकार असतात?

आजकाल, लोकल मार्केटमध्ये उपलब्ध असलेल्या स्क्रिन गार्ड्सबद्दल ग्राहकांमध्ये गोंधळ उडतो, बाजारात 7D ते 11D पर्यंत अनेक स्क्रिन गार्ड्स उपलब्ध आहेत. स्क्रीन गार्डचे बाजारात किती प्रकार उपलब्ध आहेत ते जाणून घेऊया.

• TPU/PET फिल्म स्क्रीन गार्ड
• टेम्पर्ड स्क्रीन गार्ड
• प्रायव्हसी स्क्रीन गार्ड
• मिरर स्क्रीन गार्ड
• सफायर स्क्रीन गार्ड
• यूव्ही स्क्रीन गार्ड

स्मार्टफोनचा डिस्प्ले सुरक्षित ठेवणे खूप महत्वाचे आहे आणि जर तुम्ही काही वर्षांनी तो फोन विकण्याचा विचार करत असाल तर जुना डिस्प्ले असलेल्या फोनची किंमत स्क्रॅच किंवा तुटलेली डिस्प्ले असलेल्या फोनपेक्षा नक्कीच जास्त असते.

कर्व्ड डिस्प्ले असलेल्या फोनसाठी स्क्रीन प्रोटेक्टर

जर तुमच्याकडे कर्व्ड डिस्प्ले असलेला फोन असेल तर TPU किंवा PET फिल्म पुरेशी असेल. पण त्यामुळे फोनच्या बॉडीला होणारे नुकसान टाळता येत नाही कर्व्ड डिस्प्ले असलेले फोनसाठी यूव्ही स्क्रीन प्रोटेक्टर किंवा लिक्विड स्क्रीन प्रोटेक्टर मोठ्या प्रमाणात खरेदी केले जातात. परंतु कर्व्ड स्क्रीनवर ते इन्स्टॉल करणे थोडे कठीण आहे. त्याच वेळी, OnePlus आणि Xiaomi सारख्या काही कंपन्या युजर्सना UV स्क्रीन गार्ड वापरण्यास मनाई करतात. आम्ही तुम्हाला त्यांचा वापर न करण्याचा सल्ला देतो. कारण यामुळे डिस्प्लेला कायमचे नुकसान होऊ शकते.