कारमध्येच चिमुकलीला विसरले, काही तासांनी लक्षात आलं पण.. आई-वडिलांची एक चूक आणि सारं संपलं

कोटा : कोटा येथे आई-वडिलांच्या चुकीमुळे कारमध्ये गुदमरून तीन वर्षांच्या निष्पाप मुलीचा मृत्यू झाला आहे. चिमुकली आणि तिचे आई-वडील लग्नाला निघाले होते. पण मुलीचे आई-वडील आपल्या लेकीला गाडीत विसरून लग्नाला गेले. २ तासानंतर ते परत आले, तेव्हा त्यांना मुलगी बेशुद्ध अवस्थेत आढळली. गाडीत राहिलेली मुलगी रडली असेल, पण लग्नसमारंभात डीजे जोरात वाजत होता, अशा स्थितीत गाडीकडे कोणीच लक्ष दिलं नाही, कोणाचंही गाडीकडे लक्ष गेलं नाही. कार भर उन्हात, प्रखर सूर्यप्रकाशात उभी होती. लग्न झाल्यानंतर आई-वडील गाडीकडे आले आणि मुलगी बेशुद्ध अवस्थेत दिसली. तिला तातडीने घेऊन आई-वडिलांनी इटावा रुग्णालय गाठलं. पण डॉक्टरांनी तपासून चिमुकलीला मृत घोषित केलं.
यात्रेसाठी पाहुण्यांकडे आलेले, नदीवर कपडे धुण्यासाठी गेले आणि नियतीने डाव साधला, चौघांच्या मृत्यूने गावात हळहळ

चिमुकलीचा गुदमरुन मृत्यू

सुरुवातीच्या प्राथमिक तपासात मुलीला श्वास घेण्यास त्रास होत असावा, असा डॉक्टरांचा अंदाज आहे. मात्र त्याकडे कोणी लक्ष दिलं नाही. खातौली पोलीस ठाण्याचे हेड कॉन्स्टेबल भरतराज गुर्जर यांनी सांगितलं की, तीन वर्षांच्या मुलीचा कारमध्ये झोपेत गुदमरल्याने मृत्यू झाला. कुटुंबीयांनी कोणत्याही प्रकारची पोलिस कारवाई करण्यास नकार दिला आहे. चिमुकलीचा मृतदेह कुटुंबीयांच्या ताब्यात देण्यात आला.
Akola Crime: पोलिसांच्या मारहाणीत तरुणाचा मृत्यू प्रकरणात मोठा ट्विस्ट, कस्टडी रुमचा सीसीटीव्ही होता बंद

कारजवळ पोहोचले, पण तोपर्यंत सारं काही संपलेलं…

कोटा शहरातील विज्ञान नगर येथील रहिवासी प्रदीप नागर हे पत्नी आणि दोन मुलींसह खातौली पोलीस स्टेशन हद्दीतील जोरावरपुरा गावात लग्नासाठी गेले होते. गावात पोहोचल्यावर त्यांनी गाडी पार्क केली. गाडीमध्ये त्यांची लेक गर्वी झोपली होती. पालकांनी एका मुलीला गाडीतून बाहेर काढलं आणि लग्न समारंभाला गेले. प्रदीप यांनी याबाबत बोलताना सांगितलं, की आपली पत्नी मुलीला घेऊन बाहेर पडली असेल. तर पत्नीलाही आपल्या पतीने झोपलेल्या मुलीला कारबाहेर काढलं असेल, असं वाटलं.

मात्र यात त्यांची चिमुकली कारमध्येच राहिली. लग्न झाल्यानंतर ज्यावेळी दोघं एकमेकांसमोर आले, त्यावेळी दोघांनी एकमेकांना आपल्या लेकीबद्दल विचारलं. त्यानंतर दोघं पळत जात कारजवळ पोहोचले. कारमध्ये पण मुलगी बुशुद्ध अवस्थेत निपचित पडली होती. तिचा मृत्यू झाला होता.