Tej Police Times
मुंबई: नागरिकांनी जास्तीत जास्त मतदान करावं आणि निवडणूक प्रक्रियेत भाग घ्यावा हा या उपक्रमाचा उद्देश आहे. मुंबई 20 मे 2024 रोजी स्विगी डाइन आऊटने मतदारांना आकर्षित करण्यासाठी आणि त्यांची कर्तव्य पार पाडण्यासाठी एक आकर्षक ऑफर आणली आहे. आज सोमवारी शहरात मतदान पार पडणार आहे. त्यानिमित्त स्विगीने मोठ्या हॉटेलमध्ये मतदारांना आकर्षक सूट दिली आहे. नागरिकांनी जास्तीत जास्त प्रमाणात मतदान करावे हा यामागचा उद्देश आहे.
20मे ला बोटाला लावलेली शाई दाखवून मुंबईकरांना जेवण्याच्या बिलात 50 टक्क्यांची सूट मिळेल. लुसी लोयू, सॅफ्रॉन अँड सोय, सान्टे स्पा कुझिन, फाऊंटन सिझलर्स, ओशन किचन फाईन डाईन, कोकम भरत एक्सलेंसा, यलो चिली बाय संजीव कपूर आणि फिशरमनस् केव- टेस्ट ऑन प्लेट या हॉटेल्समध्ये ही ऑफर असणार आहे.
नागरिकांनी अधिकाधिक सक्रिय व्हावं आणि मतपेटीच्या माध्यमातून त्यांचा आवाज पोहोचावा हे स्विगी डाइनाऊटच्या या ऑफरमधून स्पष्ट होते. मुंबईच्या नागरिकांनी जास्तीत जास्त प्रमाणात मतदान करावं आणि त्यानंतर आपल्या आवडत्या पदार्थांचा आस्वाद घ्यावा हा स्विगी डाइनआऊट आणि शहरातल्या हॉटेल्सचा उद्देश आहे.
या उपक्रमाबद्दल बोलताना स्विगी डाइनआऊटचे प्रमुख स्वप्नील बाजपेयी म्हणाले, “मतदान हा फक्त हक्क नाही. ती एक जबाबदारी आहे. नागरिकांनी सक्रिय व्हावं यासाठी स्विगी डाइनआऊट शहरातल्या सर्वोत्तम रेस्टॉरंट बरोबर सहभागी झाल्यामुळे आम्हाला अतिशय आनंद झाला आहे. आम्ही मुंबईकरांना मतदान करण्याचं आणि त्यानंतर तुमच्या आवडत्या हॉटेलमध्ये तुमचे आवडत्या पदार्थावर ताव मारण्याचं आवाहन करत आहोत. नागरिक त्यांच्या अधिकाराचा वापर करून देशाचं भविष्य घडवण्यात सहभाग घेतील असा आम्हाला विश्वास आहे.” मुंबई मतदानासाठी तयार होतंय. स्विगी डाइनआऊट नागरिकांना मतदान आणि बाहेरचे जेवण अशा दोन्ही गोष्टींचा आनंद घेण्याचे आमंत्रण आम्ही देत आहोत.
महाराष्ट्रात 13 जागांसाठी आज मतदान
उत्तर महाराष्ट्र आणि मुंबई महानगर प्रदेशातील 13 लोकसभा मतदारसंघात मतदान होणार आहे. या टप्प्यात 2.46 कोटी नागरिक 264 उमेदवारांचे भवितव्य ठरवण्यासाठी मतदान करतील. याशिवाय धुळे, नाशिक, ठाणे, पालघर, मुंबई उत्तर पश्चिम, मुंबई उत्तर पूर्व, मुंबई दक्षिण मध्य आणि मुंबई दक्षिण येथेही मतदान होणार आहे.