आधी हातपाय बांधले, नंतर दुकानदाराचे भयंकर कृत्य, दुकानात गेलेल्या चिमुकलीसोबत नेमकं काय घडलं?

लुधियाना: देशभरात बलात्कार आणि विनयभंगाच्या घटना सातत्याने घडत आहेत. अशातच आज (२०मे) पंजाबमधील लुधियाना शहरात एक धक्कादायक घटना घडली आहे. मेहरबन येथील हरकृष्ण विहार परिसरात एका दुकानात बर्फ खरेदी करण्यासाठी गेलेल्या नऊ वर्षांच्या मुलीवर बलात्कार केल्याची घटना समोर आली आहे. या घटनेमुळे आजूबाजूच्या परिसरात संतापाची लाट पसरली आहे.

नेमकं काय घडलं?

९ वर्षीय मुलगी मेहरबन येथील हरकृष्ण विहार परिसरात बर्फ खरेदी करण्यासाठी एका दुकानात गेली होती. दुकानदाराने या मुलीचे हातपाय बांधून तिच्यावर बलात्कार केला. बराच वेळ झाला तरी मुलगी घरी आली नाही, म्हणून तिची मुलीची आई आरोपीच्या दुकानात गेली. तेव्हा समोरील दृष्य पाहून तिला धक्काच बसला. मुलीच्या आईला पाहून आरोपी घाबरला. तो तेथून पळून गेला. मुलीला घरी आणल्यानंतर मुलीने घडलेला संपूर्ण प्रकार आईला सांगितला. त्यानंतर मुलीच्या आईने मेहरबन पोलीस ठाण्यात धाव घेत आरोपीविरुद्ध तक्रार दाखल केली. पोलिसांनी आरोपीवर बलात्कार, विनयभंग आणि इतर कलामांतर्गत गुन्हा दाखल केला आहे.
Chhattisgarh Accident: दुर्दैवी! पिकअप ३० फुट खोल खड्ड्यात कोसळली, १८ जणांचा मृत्यू, ७ जण गंभीर जखमी
या संपूर्ण घटनेचा तपास करणारे तपास अधिकारी एएसआय राधे श्याम यांनी या प्रकरणाची माहिती दिली आहे. याबाबत अधिक सांगताना ते म्हणाले की, ”या प्रकरणातील आरोपी पळून गेला असल्यामुळे त्याचा शोध पोलिसांकडून सुरू आहे. अनेक ठिकाणी छापे टाकण्यास सुरुवात केली आहे. तसेच पीडितेची वैद्यकीय तपासणी करण्याची प्रक्रिया सुरू करण्यात आली आहे. आम्ही लवकरात लवकर आरोपीला गजाआड करु, असा विश्वास त्यांनी यावेळी व्यक्त केला.