Tej Police Times
उत्तर प्रदेश : उत्तर प्रदेशच्या मेरठ मधून संतापजनक वृत्त समोर आले आहे. बापाने आपल्या पोटच्या मुलीलाच जाळ्यात अडकवून बलात्कार केल्याची घटना घडली आहे. यातच व्हिडीओ डिलीट करण्याच्या नावावर पीडितेच्या आईला बोलावून त्यांच्यावर देखील बलात्कार केला. या नराधमाला पोलिसांनी बेड्या ठोकल्या आहेत. तर बापाने मुलीसोबतच असे कृत्य केल्याने परिसरात संताप व्यक्त केला जात आहे.
वरिष्ठ पोलीस अधीक्षक रोहित सिंह यांनी या घटनेचे इतिवृत्त सांगितले आहे. ते म्हणाले, आरोपी हा मेरठ शहरातील गोलाकुआंचा रहिवासी असून त्याचे नाव सलीम अंसारी आहे. एक वर्षाआधी सलीमने पीडितेला आमिष देऊन फुटबॉल चौकच्या जवळील सिटी सेंटर हॉटेलमध्ये घेऊन गेला होता. तिथे तिच्यावर त्याने जबर बलात्कार केला. इतक्यावरच न थांबत त्याने या घटनेचा अश्लील व्हिडीओ देखील बनवला आणि तो व्हायरल करण्याची धमकी देत राहिला.
Pune: गावी गेलेल्या सख्ख्या भावांचा मृत्यू, आजोबांच्या डोळ्यांदेखत सारं घडलं, ते ओरडत राहिले, पण..
अश्लील व्हिडीओ व्हायरल करण्याची सातत्याने धमकी देत त्याने पीडितेला आपल्या वासनेचे शिकार बनवले. यासोबतच तिच्याकडून पैसे देखील उकळू लागला. त्रस्त होऊन ही बाब तीने आपल्या आईच्या कानावर घातली. आईला हे समजताच तिने सलीमला व्हिडीओ डिलीट करण्यास सांगितले, तेव्हा सलीमने त्यांना देखील हॉटेलवर भेटायला बोलावले. पीडितेच्या आई भेटायला येताच त्यांच्यावर देखील बलात्कार केला. त्याचा देखील अश्लील व्हिडीओ बनवून ब्लैकमेल करु लागला. या गोष्टी सहन न झाल्याने आईने अखेर सलीमच्या विरोधात तक्रार दाखल केली.
पोलिसांनी पीडिता आणि पीडितेची आई यांनी दिलेल्या जबाबावर सलीम अंसारी च्या विरोधात आयपीसीच्या ३७६ कलमांतर्गत गुन्हा दाखल केला आहे. पोलिस चौकशीदरम्यान आरोपीने आपला गुन्हा कबूल केला आहे. पोलीस पुढील तपास करत असून लवकरात लवकर दोषारोपपत्र दाखल करुन कठोर कारवाई करणार असल्याची माहिती देखील पोलिसांनी दिली.