Fact Check: स्टेजवर श्रीगणेशाची मूर्ती स्वीकारण्यास पंतप्रधान मोदींचा नकार ? Video व्हायरल, सत्य काय?

By tejpolicetimes On May 23, 2024

नवी दिल्ली: पंतप्रधान मोदी यांनी स्टेजवर श्रीगणेशाची मूर्ती स्वीकारण्यास नकार दिला ही बातमी सोशल मिडीयावर व्हायरलं झाली आहे. समाजमाध्यमांच्या वेगवेगळ्या अॅप्सवर ११ सेंकदाचा हा व्हिडीओ व्हायरलं होत आहे. व्हायरल होणाऱ्या व्हिडीओत पंतप्रधान मोदी स्टेजवर असताना एक व्यक्ती त्यांना श्रीगणेशाची मूर्ती देण्याचा प्रयत्न करताना दिसत आहे. यादरम्यान पंतप्रधान मोदी त्या व्यक्तीला समोरुन बाजूला होण्याचा इशारा करत उपस्थित गर्दीला नमस्कार करताना दिसत आहेत. स्टेजवरील इतर लोकही मूर्ती देण्याचा प्रयत्न करणाऱ्या व्यक्तीला बाजूला होण्याचा इशारा करताना दिसून येत आहेत. पंतप्रधान मोदी यांनी श्रीगणेशाची मूर्ती स्वीकारण्यास नकार दिला असा दावा या व्हिडीओत करण्यात आला आहे.

तपासात वेगळेच सत्य समोर

न्यूज चेकर या संकेतस्थळाने मोदींच्या या व्हायरल व्हिडीओची पडताळणी केली. तपासावेळी व्हिडीओच्या की फ्रेम्सला रिवर्स इंजिनमध्ये सर्च करण्यात आले. त्यानुसार न्यूज १८ कन्नड या यूट्यूब चॅनेलवर ३ मे २०२३ रोजीचा व्हिडीओ मिळाला. रिपोर्टनुसार, हा व्हिडीओ २०२३मध्ये पार पडलेल्या कर्नाटक विधानसभा निवडणुकीच्या कालावधीतील पंतप्रधान मोदी यांच्या अंकोला प्रचारसभेचा आहे.

पंतप्रधान मोदींनी श्रीगणेशाची मूर्ती स्वीकारली

जवळपास दोन तास कालावधी असलेल्या या व्हिडीओच्या सुरूवातीच्या भागामध्ये व्हायरल क्लिपचा समावेश आहे. संपूर्ण व्हिडीओ पाहिल्यास पंतप्रधान मोदी यांनी त्या व्यक्तीकडून श्रीगणेशाची मूर्ती स्वीकारल्याचे दिसून येते.

निष्कर्ष

३ मे २०२३ रोजी हा व्हिडीओ भारतीय जनता पार्टीच्या युट्यूब चॅनलवरुन प्रसारित करण्यात आला होता. तेथेदेखील २ मिनिटे आणि ३० सेकंदानंतर पंतप्रधान मोदींच्या हस्ते श्रीगणेशाच्या मूर्तीचा स्वीकार करतानाचा भाग दिसून येतो. त्यामुळे पंतप्रधान मोदींचा वर्षभरापूर्वीचा जुना व्हिडीओचा एक हिस्सा खोटा दावा करत व्हायरल करण्यात आला आहे असे न्यूजचेकर संकेतस्थळाला पडताळणीत आढळून आले आहे.

(This story was originally published by Newschecker, and republished by NBT as part of the Shakti Collective.)

Source link