Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
सोशल मीडियावर व्हायरल झालेल्या फोटोवर कॅप्शनही दिसत आहे. ज्यामध्ये लिहिले आहे – दाऊद इब्राहिमसोबत एक महिला पत्रकार बसली आहे. हा फोटो १९८७ मधला असून बसलेल्या महिला पत्रकार आजच्या काँग्रेस प्रवक्त्या सुप्रिया श्रीनेत आहेत. आता समजले का काँग्रेस म्हणजे काय? फोटो शेअर करताना एका फेसबुक युजरने लिहिले की, ‘दुसऱ्यांकडे बोट दाखवणारी सुप्रिया श्रीनेत देशाच्या गद्दारासोबत देशाचा विश्वासघात करत आहे.’
बूम या वेबसाइटने व्हायरल चित्राची चौकशी सुरू केली. दाव्याची पडताळणी करण्यासाठी, बूमने चित्राचा Google रिव्हर्स इमेज सर्च केला. निकालात ज्येष्ठ पत्रकार शीला भट्ट यांनी त्यांच्या एक्स हँडलवर १४ जून २०२३ रोजी केलेली पोस्ट आढळली. फोटो पोस्ट करत शीला भट्ट यांनी लिहिले आहे की, ‘पर्ल बिल्डिंग, दुबई १९८७ मध्ये दाऊद इब्राहिमची मुलाखत घेत आहे. या पोस्टमध्ये त्यांनी इतर अनेक पत्रकारांनाही टॅग केले होते.
शीला भट्ट या ज्येष्ठ पत्रकार आहेत. ज्यांना पत्रकारिता जगतात तब्बल ४५ वर्षे झाली आहेत. १९७९ मध्ये त्यांनी आपल्या कारकिर्दीला सुरुवात केली. त्यांनी दैनिक भास्कर, इंडियन एक्सप्रेस सारख्या प्रतिष्ठित संस्थांमध्ये काम केले आहे. याशिवाय त्या ‘गल्फ न्यूज’ आणि ‘द प्रिंट’साठी कॉलम लिहिला आहे. वरील ट्विटच्या अनुसरून त्यांनी आणखी एक ट्विट केले होते. ज्यामध्ये त्यांनी सांगितले होते की, हे चित्र खरे आहे की खोटे, असे अनेक प्रश्न मला विचारण्यात आले. यावर त्यांनी उत्तर दिलं की, ‘रेकॉर्डसाठी, मी तुम्हाला सांगती की ही मुलाखत १९८७ मध्ये ‘अभियान’ (शीला आणि तिचे दिवंगत पती कांती भट्ट यांनी स्थापन केलेली) आणि ‘द इलस्ट्रेटेड वीकली’ या दोन मासिकांमध्ये प्रकाशित झाली होती. त्यांनी दाऊदचे सर्व फोटो क्लिक केल्याचेही सांगितले. यानंतर आम्ही सुप्रिया श्रीनेत यांची लिंक्डइन प्रोफाइल शोधली. त्यानुसार सुप्रिया या १९८८ ते १९९६ दरम्यान शाळेत होत्या. तर हा फोटो १९८७ मधला असल्याचे सांगण्यात येत आहे. सुप्रिया श्रीनेत यांनी एप्रिल २०१९ मध्ये राष्ट्रीय प्रवक्त्या म्हणून काँग्रेसमध्ये प्रवेश केला. त्यापूर्वी त्या पत्रकार होत्या. सुप्रिया यांनी २००१ ते २०१९ पर्यंत इंडिया टुडे, एनडीटीव्ही आणि टाइम्स नेटवर्कमध्ये काम केलं आहे.
गेल्या वर्षी जूनमध्ये सुप्रिया श्रीनेत यांच्या दाव्यासह हा फोटो व्हायरल झाला होता. त्या वेळीही बूमने तथ्य शहानिशा केली होती. यानंतर सुप्रिया श्रीनेत यांनी त्यांच्या फेसबुक अकाऊंटवरून व्हिडिओ शेअर केला आणि फोटोवर करण्यात आलेला दावा चुकीचा असल्याचे सांगितले. त्यांनी सांगितले होते की, १९८७ मध्ये त्या फक्त १० वर्षांच्या होत्या. त्यामुळे चित्रासह करण्यात येत असलेला दावा खोटा असल्याचे स्पष्ट झालं आहे. चित्रात दाऊद इब्राहिमसोबत दिसणारी महिला काँग्रेस प्रवक्त्या सुप्रिया श्रीनेच नसून ज्येष्ठ पत्रकार शीला भट्ट आहे.
बूमच्या तपासणीत व्हायरल झालेली पोस्ट चुकीचं असल्याचं सिद्ध झाले. सुप्रिया श्रीनेत आणि कंगना राणौतच्या आक्षेपार्ह पोस्टच्या प्रकरणानंतर हे चित्र सोशल मीडियावर शेअर होत असल्याचे आमच्या तपासात समोर आले आहे. ज्यामध्ये दाऊदसोबत बसलेली महिला काँग्रेस नेत्या सुप्रिया श्रीनेत असल्याचे सांगण्यात येत आहे. जे काही लोक सत्य म्हणून शेअर करत आहेत. या चित्रातील सुप्रिया श्रीनेत असल्याचा दावा पूर्णपणे खोटा आहे.
(This story was originally published by Boom, and republished by NBT as part of the Shakti Collective.)