धक्कादायक! भाऊ, वहिनी, पत्नीसह ८ जणांची कुऱ्हाडीनं हत्या; मग कुटुंब प्रमुखानं स्वत:ला संपवलं

भोपाळ: मध्य प्रदेशच्या छिंदवाडा जिल्ह्यात अतिशय भयंकर घटना घडली आहे. जिल्ह्यातील आदिवासीबहुल भागात येणाऱ्या माहुलझीरच्या कछार गावातील एका आदिवासी कुटुंबातील ८ जणांची हत्या करण्यात आली. यानंतर आरोपीनं गळफास घेऊन आत्महत्या केली. या घटनेमुळे परिसरात खळबळ उडाली आहे.

आपल्याच कुटुंबातील ८ जणांची हत्या केल्यानंतर आरोपीनं झाडाला गळफास लावून आयुष्य संपवलं. घटनेची माहिती मिळताच पोलीस गावात पोहोचले. महुलझीर पोलीस ठाण्याच्या हद्दीत ही घटना घडली. पोलीस अधीक्षक मनीष खत्री यांनी आठ जणांच्या हत्येला दुजोरा दिला आहे. हत्या करणारा आरोपी कुटुंबातील सदस्य होता, तो मनोरुग्ण होता, अशी माहिती खत्री यांनी दिली आहे. काल रात्री त्यानं भाऊ, वहिनी, पत्नी आणि लहान मुलासह ८ जणांची हत्या केली. त्यानंतर गावापासून १०० मीटर दूरवर असलेल्या नाल्याजवळ असलेल्या झाडाला लटकून त्यानं आत्महत्या केली.
Pune Car Accident: पोर्शे प्रकरणामुळे अजितदादा गट अडचणीत; ‘ती’ जागा हातून गेल्यात जमा, भाजपच्या हाती आयतं कोलीत
आरोपीच्या हल्ल्यातून एक लहान मुलगा थोडक्यात बचावला. जीव मुठीत धरुन तो घराबाहेर पळाला. त्यामुळे तो वाचवा. मृत्यूमुखी पडलेले सगळे जण आसपासच्या घरांमध्ये वास्तव्यास होते. आरोपीची मानसिक स्थिती ठीक नसल्याचं पोलिसांनी सांगितलं आहे. तो मद्यधुंद अवस्थेत होता का याचा तपास पोलिसांकडून सुरु आहे. घटना रात्री तीनच्या सुमारास घडली. आरोपीचा त्याचा पत्नीसोबत वाद झाला होता. त्यानंतर ही घटना घडली.
Pune Porsche Accident: हवे तेवढे पैसे देतो! जमावानं मारहाण करताच आरोपी ओरडला; प्रत्यक्षदर्शीनं काय काय सांगितलं?
हत्याकांडानंगर संपूर्ण घरात रक्ताचा सडा पडला होता. पोलिसांनी घटनास्थळ गाठून मृतदेह शवविच्छेदनासाठी पाठवले. आरोपीनं सर्वात आधी कुऱ्हाडीनं पत्नीवर वार केले. त्यानंतर आरोपीनं आई, बहीण, भाऊ, वहिनी, पुतण्या, पुतणीची हत्या केली. आरोपीचा विवाह गेल्या २१ मे रोजी झाला होता. मृत्यूमुखी पडलेल्या व्यक्ती दीड वर्षे ते ५५ वर्ष वयोगटातील आहेत.