चर्चा तर झालीच पाहिजे ! विकिपीडियाने मल्लिकार्जुन खरगे यांची पत्नी म्हणून घोषित केलेल्या अभिनेत्री अनन्या सोनी नेमक्या आहे तरी कोण ?

नवी दिल्ली : निवडणुकांच्या काळात नेत्यांचे विविध प्रकारचे फोटो आणि माहिती व्हायरल होत असते. असाच काहीसा प्रकार काँग्रेसचे अध्यक्ष मल्लिकार्जुन खरगे यांच्याबाबत घडला आहे. आपल्याला एखाद्या विषयाची किंवा व्यक्ती बद्दलची माहिती मिळवायची असल्यास विकिपीडियाचा आधार घेत असतो. परंतु याच विकिपीडियाने कॉँग्रेसचे अध्यक्ष मल्लिकार्जुन खरगे यांची पत्नी म्हणून अभिनेत्री अनन्या सोनी यांचं नाव घोषित केलं आहे. या प्रकारामुळे लोकांना देखील आश्चर्याचा धक्का बसला आहे. तसेच सोशल मीडियावरही एकच चर्चा सुरू आहे.

नेमकं काय आहे प्रकरण ?

त्याचं झालं असं की, मल्लिकार्जुन खरगे यांच्या पत्नीचे नाव राधाबाई खरगे असे आहे. परंतु काही खोडकर व्यक्तींनी विकिपीडियावरील खरगे यांची माहिती असलेले पेज एडिट केले. आणि राधाबाई खरगे यांच्या नावाऐवजी दक्षिणेतील अभिनेत्री अनन्या सोनी यांचे नाव मल्लिकार्जुन खरगे यांची पत्नी म्हणून जोडले. मग काय, लोक लगेच सोशल मीडियावर ही माहिती शेअर करू लागले.काँग्रेस प्रदेशाध्यक्ष कार्यालयाने या गोष्टीची तात्काळ दखल घेतली असून त्यात सुधारणा करण्यात केली. तसेच ज्या व्यक्तींनी हा प्रकार केला त्यांच्याविरोधात कारवाई करण्यात आली आहे.
Narendra Modi : निवडणुकीचा प्रचार संपताच नरेंद्र मोदींची ‘या’ ठिकाणी ध्यानधारणा, विरोधकांची जोरदार टीका

अनन्या सोनी नेमक्या आहेत तरी कोण ?

अनन्या सोनी या दाक्षिणात्य अभिनेत्री आहेत. तसेच त्या सध्या मॉडेल म्हणून काम करत आहेत.अनन्या सोनी यांचा जन्म १३ जुलै १९९४ रोजी झाला. अनन्या सोनी यांनी २०१५ मध्ये मिस इंडिया, ऑस्ट्रेलिया इंटरनॅशनल आणि २०१६ मध्ये मिस एशिया वर्ल्डचा किताब पटकावला आहे. अनन्या सोनी यांनी मास कम्युनिकेशनचे शिक्षण घेतले असून त्यांना बॉलीवुडमधील शाहरुख खान आणि आलिया भट या व्यक्ती आवडतात.

२०१७ साली केली अभिनयला सुरवात

अनन्या सोनी यांनी त्यांच्या अभिनय कारकिर्दीची सुरुवात २०१७ साली तेलुगू चित्रपट शमंथकमानीद्वारे केली. तसेच त्यांनी अनेक प्रसिद्ध स्टार्ससोबत स्क्रीनही शेअर केली आहे. ज्यामध्ये नारा रोहित, सुधीर बाबू, संदीप किशन, आदि साईकुमार, राजेंद्र प्रसाद, चांदनी चौधरी, बॅनर्जी, रघु करुमांची यांचा समावेश आहे. अनन्या यांना पंजाबी, हिंदी आणि इंग्रजीही चांगले बोलता येते. टीव्ही जाहिरातींमध्ये काम करण्यासोबतच अनन्या सोनी यांनी अनेक ब्रँडसाठी मॉडेलिंगचे काम सुद्धा केले आहे.