माझ्या वडिलांचं स्वप्न पूर्ण करणारे ‘माझे पंतप्रधान’, चिराग पासवान यांची मोदींना जादू की झप्पी

नवी दिल्ली : माझे वडील रामविलास पासवान यांनी पाहिलेलं स्वप्न पूर्ण करणारी उमेद नरेंद्र मोदी यांच्यात दिसते, अशा भावना लोक जनशक्ती पक्ष (रामविलास) नेते चिराग पासवान यांनी व्यक्त केल्या. मोदींना संसदीय दलाचे नेते करण्याबाबत राजनाथ सिंह यांनी मांडलेल्या प्रस्तावाला पासवान यांनी अनुमोदन दिले. भाषणानंतर निघालेल्या पासवान यांनी मोदींना मिठी मारली.

चिराग पासवान काय म्हणाले?

सर्व नवनिर्वाचित लोकसभा खासदारांचं स्वागत, मी माझे पंतप्रधान नरेंद्र मोदी यांचं अभिनंदन करतो, तुमच्यामुळे एनडीएला हे प्रचंड यश मिळालं आहे. याचं श्रेय तुम्हाला जातं. तुमच्या इच्छाशक्तीमुळे इतिहासात या मोठ्या विजयाची नोंद झाली आहे. नरेंद्र मोदींच्या नेतृत्वात एनडीएला भक्कम यश मिळणं ही सामान्य गोष्ट नाही. आम्ही जेव्हा मतदारसंघात जातो, तेव्हा तुमच्या नावाबाबत प्रचंड उत्साह पाहायला मिळतो. ही आमच्यासाठी अभिमानास्पद गोष्ट आहे. जनतेचा विश्वास असणारा नेता आमच्याकडे असणं गौरवास्पद आहे, असं चिराग पासवान म्हणाले.
Narendra Modi : तिसरे मोदीपर्व सुरु होणार! 8 चा शुभयोग नाही, मोदींच्या शपथविधी सोहळ्यासाठी नवा मुहूर्त ठरला
तुमच्यामुळे जगासमोर आम्ही ओरडून सांगू शकतो, की भारत हा जगातील पाचवी सर्वात मोठी अर्थव्यवस्था बनला आहे. ही तुमची देण आहे. भारताच्या जनतेचा तुमच्यावर पूर्ण विश्वास आहे. गाव आणि शहरातील दरी मिटवण्याची, गरीब आणि श्रीमंतांमधला दुरावा नष्ट करण्याची इच्छाशक्ती तुमच्यात आहे. २०४७ पर्यंत भारताला विकसित देशांच्या यादीत नेण्याची इच्छाशक्तीही तुमच्यात आहे. राजनाथ सिंह यांनी नरेंद्र मोदींना संसदीय दलाचे नेते करण्याबाबत मांडलेल्या प्रस्तावाला लोक जनशक्ती पक्ष (रामविलास) कडून अनुमोदन देतो, असं पासवान म्हणाले.
Pankaja Munde : पंकजा मुंडे दिल्लीला, राजकीय पुनर्वसनाचे संकेत, मोदी 3.0 कॅबिनेटमध्ये वर्णी लागणार?Read Latest Maharashtra News Updates And Marathi News

माझे नेते, माझे वडील रामविलास पासवान यांनी एक स्वप्न पाहिलं होतं. ज्या घरात वर्षानुवर्ष अंधार होता, त्यात मी दिवा लावायला जात आहे, असं ते म्हणायचे. त्यांचं हे स्वप्न, उद्दिष्ट आणि देशभरातील कोट्यवधी लोकांना अंधारातून बाहेर काढणारी उमेद तुम्ही आहात, अशा भावनाही चिराग पासवान यांनी व्यक्त केल्या.