एअर कंडिशनरच्या कॉम्प्रेसरमध्ये किती गॅस येतो, किती असते त्याची किंमत जाणून घ्या

एअर कंडिशनरच्या कंप्रेसरमध्ये येणारा गॅस काही घटकांवर अवलंबून असतो, जसे की एअर कंडिशनरचे टनेज, मॉडेल आणि वापरलेल्या रेफ्रिजरंटचा प्रकार. सामान्यपणे कोणत्याही घरगुती एअर कंडिशनर 800 ते 1.2 किलो गॅस येतो.

परंतु एअर कंडिशनर रिपेअर करणारे मेकॅनिक एसीमध्ये गॅस टाकण्यासाठी कस्टमरकडून मनमानी दर आकारत असल्याचे दिसून आले आहे. म्हणूनच आम्ही तुमच्यासाठी एसीमधील गॅसची कॅपेसिटी आणि एअर कंडिशनरच्या कॅपेसिटीनुसार त्याची किंमत याबद्दल माहिती घेऊन आलो आहोत.

एअर कंडिशनरमध्ये कोणता गॅस येतो?

भारतात येणाऱ्या एअर कंडिशनरमध्ये साधारणपणे तीन प्रकारचे गॅस वापरले जातात. या गॅसेसचे नाव R-22, R-410A, R-32 आहेत. याशिवाय इतरही अनेक गॅस एअर कंडिशनरमध्ये भरण्यात येतात. साधारणपणे 800 ते 1200 ग्रॅम गॅस एसीमध्ये भरला जातो. गॅसची कॅपेसिटी देखील एअर कंडिशनर आणि कंपनीच्या कॅपेसिटीवर अवलंबून असते.

एअर कंडिशनरसाठी कोणता गॅस चांगला आहे?

वेगवेगळ्या रेफ्रिजरंट्सच्या किंमती वेगवेगळ्या असतात. उदाहरणार्थ, R-22 गॅस R-410A पेक्षा स्वस्त आहे, परंतु पर्यावरणासाठी हानिकारक आहे. एअर कंडिशनर गॅसची किंमत सध्याच्या बाजारभावांवर अवलंबून असते. साधारणपणे गॅसची किंमत 300 ते 800 रुपये प्रति किलोग्रॅम असू शकते.

उदाहरणार्थ, सामान्य 1.5 टन एसीला सुमारे 1.2 ते 1.5 किलो गॅसची आवश्यकता असू शकते. जर गॅसची किंमत 700 रुपये प्रति किलो असेल आणि सर्विस कॉस्ट रुपये 1000 असेल, तर एकूण खर्च (1.5 kg × Rs 700/kg + Rs 1000) = Rs 2050 असू शकतो. या डिटेल्सच्या आधारावर, तुम्ही तुमच्या एअर कंडिशनरच्या कंप्रेसरमध्ये आवश्यक माहिती आणि गॅस भरण्याच्या खर्चाचा अंदाज लावू शकता.

एअर कंडिशनरचा गॅस रिफील का करावा लागतो?

एअर कंडिशनरमधील गॅस लीक झाल्यामुळे रिफील करावा लागतो. गॅस लीक होण्याची अनेक कारणे असू शकतात, त्यापैकी काही अशी आहेत: एसी साफ न करणे, पाईपमध्ये कार्बन जमा होणे, कंडेन्सर पाईपमध्ये गंज येणे, एसीची सर्व्हिस न होणे, एसी युनिटची काळजी न घेणे ही प्रमुख कारणे आहेत. तुम्हाला तुमचा एसी नीट चालवायचा असेल तर सीझनच्या सुरुवातीला आणि शेवटी एअर कंडिशनरची सर्व्हिस करून घ्या. तसेच, ऑफ सीझनमध्ये एअर कंडिशनर पेपरने पॅक करा.