Watch Video: नदीत बुडणाऱ्या तरुण जोडप्याला मच्छिमाराने वाचवले, वैतागून नंतर चांगले थोबडवले

Watch Viral Video of fisherman, सुल्तानपूर : उत्तर प्रदेशातील सुलतानपूरमध्ये नगर कोतवाली हद्दीतील गोलाघाटजवळील गोमती नदीत एका तरुण जोडप्याला बुडण्यापासून एका मच्छिमाराने वाचवले. दोन दिवसांपूर्वी या जोडप्याने असाच प्रयत्न केला होता. मच्छीमाराने दाखवलेल्या शौर्यामुळे त्याचे कौतुक होत आहे. पण त्याने बुडणाऱ्या जोडप्याला वाचविल्यानंतर जी काही कृती केली त्यामुळे हा व्हिडिओ सर्वत्र व्हायरल होत आहे.

या व्हायरल व्हिडिओमध्ये नदीमध्ये एक तरूण बुडताना दिसल्यावर मच्छीमाराने उडी घेत, त्याला शर्टाला पकडून वाचविले आणि सुरक्षित ठिकाणी आणले. पण तो सुरक्षित आहे, त्याचा जीव वाचला याची खात्री केल्यानंतर वाचविणारा मच्छिमार वैतागलेला दिसत आहे. त्याने चिडून त्यातील पुरूषाला चांगलेच थोबडवायला सुरूवात केली. ही कृती कॅमेऱ्यात कैद झाली. मच्छीमाराचे जीव वाचविल्याबद्दल खूप कौतुक होत आहे. पण त्याने नंतर जे तरुणाला मारले त्यामुळे हा व्हिडिओ अधिकच व्हायरल होत आहे.

मिळालेल्या माहितीनुसार या जोडप्याने दोन दिवसांपूर्वी गोमती नदीममध्ये जीव देण्याचा प्रयत्न केला होता. पण तेव्हाही त्यांना वाचविण्यात यश आले होते. आता पुन्हा त्या जोडप्याने आत्महत्या करण्याचा प्रयत्न केला आणि सुदैवाने मच्छीमार घटना स्थळी उपस्थित असल्या

मच्छिमाराने शौर्याने प्रयत्न करून या जोडीला वाचविण्यात यश मिळविले. मात्र, त्यांच्या सुरक्षेची हमी दिल्यानंतर वैतागून त्याने तरुणाला चापट मारली. त्यानंतर तरुणीलाही वाचविण्यात मच्छिमारांना यश आले आहे. तरुणी बेशुद्ध झाली होती. तिला किनाऱ्यावर आणून शुद्धीत आणण्याचा प्रयत्न केला जात असल्याचे व्हिडिओमध्ये दिसत आहे.

बचाव आणि त्यानंतरची घटना या दोन्ही गोष्टी टिपणारा व्हिडिओ सोशल मीडियावर व्हायरल झाला आहे. सोशल मीडियावर नेहमी अनेक व्हिडिओ व्हायरल होत असतात. पण अशा प्रकारचा वेगळा व्हिडिओ पाहून लोकांनी त्याला चांगलीच पसंती दाखवली आहे. त्यानंतर अनेक जण हा व्हिडिओ फॉरवर्ड करीत आहे. फॉरवर्ड झालेल्या व्हिडिओवर प्रतिक्रियांचा पाऊस पडत आहे. अनेकांनी जीव वाचविल्याबद्दल मच्छिमाराचे कौतुक केले तसेच त्यानंतर त्याने व्यक्त केलेल्या संतापालाही योग्य म्हटले आहे.