Tej Police Times
वॉशिंग्टन : अमेरिकेतील टेक्सास येथील एका दुकानात चोरीची घटना घडली. चोरीच्या घटनेवेळेस एका ३२ वर्षीय भारतीय नागरिकाची गोळी मारून हत्या करण्यात आली. गोपीकृष्ण असे मृत पावलेल्या व्यक्तीचे नाव आहे. गोपीकृष्ण हा आंध्र प्रदेशच्या बापटला जिल्ह्यातील रहिवासी होता. गोपीकृष्ण हा आठ महिन्यापूर्वी अमेरिकेस आला होता. ही घटना २१ जून रोजी डलास येथील प्लीजेंट ग्रोवमधील एका दुकानात घडली.
डलास येथे रविवारी, योगा दिन निमित्त झालेल्या कार्यक्रमात कौन्सिल जनरल डी. सी. मंजुनाथ यांनी पीटीआयला सांगितले की, या घटनेचा आर्कान्सा येथील गोळीबाराशी संबंध नाही, जसे की विविध सुत्रांद्वारे आधी सांगितले जात होते.
वाळवंटात सापडली काचेसारखी मोठी वस्तू, परिसरात एकच खळबळ, काय आहे याचे रहस्य?
गोपीकृष्णच्या कुटुंबाप्रती शोक व्यक्त करत मंजूनाथ म्हणाले की,’ टेक्सासमधील डलास येथील प्लीजेंट ग्रोव या ठिकाणी चोरीच्या दरम्यान गोळीबाराची झाला ज्यात भारतीय नागरिक दसारी गोपीकृष्ण यांचा मृत्यू झाल्याची माहिती आम्हाला मिळाली. यामुळे आम्हाला दुःख झाले आणि आम्ही त्यांच्या कुटुंबीयाच्या संपर्कात आहोत. भारतीय संस्थांच्या सहकार्याने वाणिज्य दूतावास गोपीकृष्णचा मृतदेह शवविच्छेदन करुन मृत्यू प्रमाणपत्रा सहित स्थानिक औपचारिकतेनंतर भारतात परत आणण्यासाठी शक्य तेवढी सर्व मदत पुरवत आहे.’कट्टर इस्लामी देशाचा क्रांतिकारी निर्णय, गर्भपाताला परवानगी, मात्र वाट ‘अटी’तटींची
हल्ल्यात गंभीर दुखापत
चोरीच्या दरम्यान गोपीकृष्ण यांना गंभीर दुखापत झाली त्यामुळे त्यांना जवळच असलेल्या दवाखान्यात दाखल करण्यात आले. उपचारादरम्यान रविवारी, सकाळी गोपीकृष्ण यांचा मृत्यू झाला. गोपीकृष्ण यांच्या पश्च्यात त्यांच्या कुटुंबात पत्नी आणि मुलगा आहे. या घटनेमुळे डलास आणि तेथील आजूबाजूला राहणारा भारतीय समुदाय दुःखी झाला आहे.
गोपीकृष्ण यांच्या मृत्यूवर आंध्र प्रदेशचे मुख्यमंत्री चंद्राबाबू नायडू यांनी शोक व्यक्त केले आहे. तसेच पीडित कुटुंबाला शक्य ती मदत करण्याचे आश्वासन दिले आहे. चंद्राबाबू नायडू यांनी सोशल मीडियावर एक पोस्ट शेअर करत लिहिले की, राज्य सरकार गोपीकृष्ण यांचे पार्थिव घरी आणण्यासाठी सर्वतोपरी मदत करेल. ह्युस्टनमधील भारतीय दूतावासने देखील या घटनेबद्दल शोक व्यक्त केले आहे.