China Chang’e 6 Spacecraft : चीनने रचला इतिहास, चांगई 6 यान चंद्रावरील नमुने घेऊन पृथ्वीवर परतलं

बिजींग : अंतराळ क्षेत्रात चीनने मोठे यश मिळवून नवीन इतिहास रचला आहे. चीनने चंद्रावर अभ्यास करण्यासाठी पाठवलेले चांगई 6 हे यान आज (25 जून ) पुन्हा पृथ्वीवर परतले आहे. चीनच्या अंतर्गत येणाऱ्या मंगोलियाच्या प्रदेशात हे यान उतरलं. चीनने (3 मे) रोजी हे चांगई 6 या यानाचे यशस्वीरित्या उड्डाण केलं होते. त्यानंतर पाच दिवसांनी ते चंद्राच्या कक्षेत पोहोचले. स्पेस डॉट कॉमच्या अहवालानुसार या यानाने स्कूप आणि ड्रिल वापरून 4.4 पौंड (2 किलोग्रॅम) चंद्रावरील विविध प्रकारचे नमुने गोळा केले आहेत.

चीनसाठी मोहीम महत्वाची का आहे?

दरम्यान, या आधी रशिया अमेरिका आणि खुद्द चीन चंद्रावरील मोहीमा राबवल्या आहेत. चंद्राचे अनेक अवशेष पृथ्वीवर आणण्यात त्यांना यश आले आहे. मात्र, यंदा चीनने चंद्राच्या सर्वात दुर्मिळ म्हणजे जास्त काळोख असणाऱ्या भागात यानाचे लॅंडींग केले होते. त्यामुळे अशी कामगिरी करणारा चीन जगातला पहिला देश ठरला आहे.

चीनचे 2030 पर्यंत चंद्रावर मानव पाठवण्याचे ठेवले लक्ष्य

चीनने 2030 पर्यंत चंद्रावर मानव पाठवण्याचे लक्ष्य ठेवले आहे. हे मिशन देखील त्याच लक्ष्याचा एक भाग आहे. या मिशनचे यश हे चीनचे स्वप्न साकार करण्यासाठी मैलाचा दगड ठरेल, असे चीनचे राष्ट्राध्यक्ष शी जिनपिंग यांनी म्हटले आहे.त्याचबरोबर चीनला 2030 पर्यंत चंद्राच्या दक्षिण ध्रुवावर संशोधन तळ उभारायचा आहे.

Julian Assange : ऑस्ट्रेलियन पत्रकार ज्युलियन असांजची तुरुंगातून सुटका, अमेरिकेसोबत केला ‘हा’ करार

तुकड्यांवरती शास्त्रज्ञ संशोधन करणार

अहवालानुसार, चांगई 6 हे यान चंद्राच्या पृष्ठभागावरून सुमारे 2 अवशेष घेऊन पृथ्वीवर परत आले आहे. चिनी शास्त्रज्ञ आता या नमुन्यावर संशोधन करणार आहेत. त्याचबरोबर चीनचे संशोधन पूर्ण झाल्यानंतर ते इतर देशांशी शेअर केले जाणार आहेत.