दारुचा गुत्ता लवकर बंद झालाय! मद्यपीचा भाजप खासदाराला मध्यरात्री फोन; संवाद सुरु अन् मग…

लखनऊ: उत्तर प्रदेशच्या बरेली जिल्ह्यातील एकानं दारुसाठी थेट खासदाराला फोन केला. परिसरातील दारुचे गुत्ते बंद झाल्यानं मद्यपीनं मध्यरात्री खासदारांना फोन करत मदत मागितली. खासदारांनी काही वेळ संयम ठेवला. पण नंतर मद्यपीला चांगलंच सुनावलं. दोघांमध्ये फोनवर झालेल्या संवादाचा ऑडिओ आता व्हायरल झाला आहे.

बरेलीच्या भोजीपुरातील पीपल साना गावातील अशर्फीलाल गंगवारनं मध्यरात्री बरेलीचे खासदार छत्रपाल गंगवार यांना फोन केला. गंगवार यांनी कॉल घेतला. आपण दिल्लीला असल्याचं त्यांनी सांगितलं. त्यानंतर मद्यपीनं त्यांना स्वत:चा पत्ता सांगितला. माझा नंबर सेव्ह करा, असंही त्यानं खासदारांना सांगितलं. विषय इथेच थांबला नाही. खासदार गंगवार यांनी कॉल करणाऱ्याची चांगलीच खरडपट्टी काढली. तुला माझी ओळख अद्याप पटलेली नाही. माझ्याबद्दल माहिती घे. तू दारुची गोष्ट सोड. मी अनेकांची घरं सोडवलेली आहेत, अशी तंबी खासदार महोदयांनी दिली. दोघांमध्ये झालेला संवाद व्हायरल झाला आहे.
विधानसभेपूर्वी भाजप आमदारांचा आकडा वाढवण्याच्या तयारीत; ‘त्या’ १२ जागांचा प्रश्न मार्गी?
खासदार आणि मद्यपीमध्ये झालेला संवाद-
खासदार- हॅलो!
मद्यपी- हा, सरजी नमस्कार.
खासदार- नमस्ते
मद्यपी- छत्रपालजी बोल रहे है?
खासदार- बोलतोय
मद्यपी- मी अशर्फीला गंगवार बोलतोय.
खासदार- जी, अशर्फीलालजी, नमस्कार!
मद्यपी- गुत्ता १० वाजायच्या आधीच बंद झाली.
खासदार- १० च्या आत काय बंद झाला?
मद्यपी- दारुचा गुत्ता.
खासदार- मला कळलं नाही तुम्हाला काय म्हणायचंय.
मद्यपी- मी म्हणतोय, १० च्या आदी बंद झाला. दारु देत नाहीएत ते.
खासदार- दारुची गरज होती?
मद्यपी- गरज तर असतेच.
खासदार- तुम्हाला गरज असेल तर दिल्लीहून पाठवतो मी आता.
मद्यपी- दारु दिल्लीवरुन पाठवाल?
खासदार- मी आता दिल्लीत आहे. त्यामुळे दिल्लीवरुनच पाठवेन.
मद्यपी- चला जाऊ द्या. तुम्ही दिल्लीत बसा.
खासदार- तुम्ही राहायला कुठे आहात?
मद्यपी- भोजीपुराचा रहिवासी आहे.
खासदार- भोजीपुरात कुठे?
मद्यपी- पीपल सीना गावचा रहिवासी आहे.
खासदार- पीपल साना गावचे आहात?
मद्यपी- माझा नंबर सेव्ह करा.
खासदार- का सेव्हा करु? दारुची सोय करायला? तुम्ही मला अजून ओळखलं नाहीए. थोडी माहिती घ्या. मनात गैरसमज ठेवू नका. तुम्ही मला ज्या पद्धतीचा समजताय, मनातून गैरसमज काढून टाका.
मद्यपी- तक्रार करायची होती. १० च्या आधी गुत्ता बंद होतो.
खासदार- तुम्ही दारुचा विषय सोडा. मी अनेकांची घरं सोडवली आहेत.
मद्यपी- गुत्ता १० च्या आधी बंद व्हायला नको.
खासदार- माझ्याबद्दल माहिती घ्या. मग बोला. कळलं का?
मद्यपी- ठीक.