तुम्ही कसले विरोधी पक्षनेते? हे सभागृहात चालणार नाही… ओम बिर्ला राहुल गांधींवर संतापले

नवी दिल्ली: पंतप्रधान नरेंद्र मोदी यांनी राष्ट्रपतींच्या अभिभाषणावरील धन्यवाद प्रस्तावावरील चर्चेला उत्तर देण्यास सुरुवात केली. तेव्हा विरोधी पक्षाच्या खासदारांनी लोकसभेत गदारोळ सुरू केला. लोकसभा अध्यक्षांनी वारंवार नकार देऊनही विरोधी सदस्यांनी गोंधळ सुरूच ठेवला. विरोधकांनी केलेल्या गदारोळामुळे आणि लोकसभा अध्यक्षांच्या म्हणण्याकडे दुर्लक्ष केल्याने ओम बिर्ला चांगलेच संतापलेले दिसले. ही पद्धत योग्य नसल्याचे ओम बिर्ला यांनी विरोधी सदस्यांना सांगितले. यादरम्यान लोकसभा अध्यक्ष ओम बिर्ला विरोधी पक्षनेते राहुल गांधींवर संतापले. यादरम्यान पंतप्रधान नरेंद्र मोदींनी त्यांचे भाषण सुरूच ठेवले. तसेच मात्र विरोधकांनीही घोषणाबाजी सुरूच ठेवली.
Narendra Modi Speech: लोकसभेत पंतप्रधानांचे विरोधकांना प्रत्युत्तर, कॉंग्रेसच्या अपयशाचा पाढा वाचला, नेमकं काय म्हणाले?

नेमकं काय घडलं?

पंतप्रधान लोकसभेला संबोधित करण्यासाठी सुमारे ४.१५ वाजता उभे राहिले. विरोधी पक्षनेते राहुल गांधी आणि इतर पक्षांनी अचानक गदारोळ सुरू केला. विरोधक घोषणाबाजी करताना दिसत असताना पंतप्रधानांनी आपले म्हणणे मांडण्यास सुरुवातही केली नव्हती. सभापती ओम बिर्ला यांनी सर्वप्रथम विरोधी पक्षाच्या नेत्यांना प्रेमाने समजावण्यास सुरुवात केली. मात्र विरोधकांनी त्यांचं ऐकले नाही. त्यामुळे ओम बिर्ला चिडले. नरेंद्र मोदी जेव्हा भाषणासाठी उभे राहिले तेव्हा विरोधकांनी मणिपूर मुद्द्यावरुन घोषणाबाजी करण्यास सुरुवात केली. मणिपूर को न्याय दो… अशी घोषणाबाजी विरोधकांकडून वारंवार करण्यात येत होती.

यावर ओम बिर्ला म्हणाले, आदरणीय सदस्यांनो, आता पंतप्रधान बोलतील. मी मणिपूरमधील एका सदस्याला बोलण्याची संधी दिली आहे. ही पद्धत योग्य नाही… एक मिनिट बसा… कृपया एक मिनिट बसा, असं म्हणत त्यांनी विरोधकांना खाली बसण्यास सांगितलं. त्यानंतर ओम बिर्ला यांना राहुल गांधींचाही समाचार घेतला आहे. ते म्हणाले की, हा तुमचा चुकीचा मार्ग आहे. हे सभागृहात चालणार नाही. अशा संसदेत तुमची प्रतिष्ठा राखली पाहिजे. तुम्हाला प्रतिष्ठा नष्ट करायची आहे. तुम्ही कसले विरोधी पक्षनेते आहात? हा तुमचा अत्यंत चुकीचा दृष्टिकोन आहे. या प्रकरणावर ओम बिर्ला यांनी पुन्हा एकदा नाराजी व्यक्त केली.