Tej Police Times
एसी स्फोटाच्या काही घटना एवढ्यात उघडकीस आल्यापासून एसी वापरणारा प्रत्येक माणूस घाबरला आहे. एसी का फुटतात माहीत आहे का? एसी युनिटचा स्फोट होण्यामागे एसीचा निष्काळजीपणे वापर हे एक महत्वाचे कारण आहे. जर तुम्हाला एसी ब्लास्टपासून वाचवायचे असेल तर तुम्हाला काही महत्वाची माहिती असणे आवश्यक आहे.
किती वर्षांनी बदलावा जुना एसी
एकदा तुम्ही एसी घेतला तर वर्षानुवर्षे जुना एसी चालवत राहता. अर्थात, जुना एसी चालवणे चुकीचे नाही पण एक वेळ अशी येते की तुम्ही जुना एसी वापरणे थांबविले पाहिजे.
एसी बदलण्याची वेळ कधी
एसी उत्पादक कंपन्या विंडो एसी मॉडेल्ससह 5 वर्षांपर्यंत कंप्रेसर वॉरंटी आणि स्प्लिट एसीसह 10 वर्षांपर्यंत कंप्रेसर वॉरंटी देतात. वॉरंटी डीटेल्स पाहिल्यास कंपनीला तिच्या उत्पादनाच्या परफॉर्मन्सवर असलेला विश्वास दिसून येतो.
कंपन्यांचा विश्वास
एसी उत्पादक कंपन्यांचा विश्वास आहे की विंडो एसीचा कंप्रेसर 5 वर्षे सुरळीत चालू शकतो आणि स्प्लिट एसीचा कंप्रेसर 10 वर्षे आरामात चालू शकतो. कोणतीही कंपनी जास्त वॉरंटी देऊन नुकसान करू इच्छित नाही. याचा अर्थ विंडो एसीचे आयुष्य 5 वर्षे किंवा 6 वर्षांपर्यंत असू शकते, तर स्प्लिट एसीचे आयुष्य 10 वर्षांपर्यंत असू शकते.
वॉरंटी कालावधीतही होऊ शकतो एसी ब्लास्ट
जर तुम्ही पहिल्या दिवसापासून वॉरंटी कालावधीपर्यंत एअर कंडिशनरची योग्य प्रकारे सर्व्हिसिंग केली नसेल, तर वॉरंटी कालावधीतही एसी फुटण्याचा धोका असू शकतो. जर तुम्ही एसीची योग्य काळजी घेतली नाही तर वॉरंटी कालावधी (कंप्रेसर वॉरंटी) संपल्यानंतर जुना एसी बदला.
मोठा खर्च सुरु झाल्यास एसी बदला
जर तुम्हाला पहिल्या दिवसापासून AC ची सेवा योग्य प्रकारे आणि वेळेवर मिळत असेल, तर तुम्हाला कोणतीही अडचण येणार नाही आणि वॉरंटी संपल्यानंतरही तुम्ही एसी चालवू शकता. पण जेंव्हा एसीचे मोठे खर्चिक काम निघेल तेंव्हा समजून घ्या कि एसी बदलण्याची वेळ आली आहे.
या चुका करणे टाळा
पहिली चूक म्हणजे लोक एसी विकत घेतात पण जर त्यांना योग्य वेळी एसी सर्व्हिसिंग न मिळाल्यास एसीला त्रास होऊ लागतो आणि अशा परिस्थितीत आग किंवा स्फोट होण्याचा धोका वाढतो.
वॉरंटी कालावधी संपल्यानंतर, लोक पैसे वाचवण्यासाठी कंपनीच्या ऐवजी त्यांच्या एसीमध्ये लोकल पार्ट्स बसवतात. अर्थात सुरुवातीला पैशांची बचत होते, पण लोकल पार्ट्समुळे एसीचे आयुष्य तर कमी होतेच पण स्फोटाचा धोकाही वाढतो.