22 वर्षात 1320 वेळा बलात्कार… भारतातून निघून ब्रिटनमध्ये साम्राज्य निर्माण करणाऱ्या बाबा कालियाची कहाणी, महिलांवर करायचा वशीकरण

Baba Rajinder Kalia UK, लंडन : उत्तर प्रदेशातील हाथरस येथे झालेल्या अपघातानंतर त्याचे आयोजक भोले बाबा देशभरात आणि जगभरात चर्चेत आहेत. दरम्यान, ब्रिटनमध्ये एका भारतीय बाबाच्या काळ्या कारनाम्याने खळबळ उडाली आहे. ब्रिटनमधील कोव्हेंट्री येथील भारतीय वंशाच्या एका धर्मगुरूवर महिला भाविकांना अनेक दशकांपासून वासनेचे शिकार बनवल्याचा आरोप केला आहे. 68 वर्षीय बाबा राजिंदर कालिया यांनी ‘जिवंत देव’ असल्याचा दावा केला होता, परंतु त्याच्यामुळे झालेल्या पीडित महिला म्हणतात की तो प्रत्यक्षात ‘दडून बसलेला सैतान’ आहे. राजिंदर कालिया यांच्यावर आरोप आहे की, एकीकडे तो मंदिरातील सदस्यांना आपल्या प्रवचनातून देवाचा अवतार असल्याचे मानायला लावत होता आणि कथित चमत्कार दाखवत होता, त्याचवेळी तो लहान मुली आणि महिलांचे शोषण करत होता. बाबा असल्याचे ढोंग करणाऱ्या राजिंदर कालियाच्या विरोधात त्यांच्या चार माजी महिला शिष्य पुढे आल्या आहेत, ज्यांनी बाबांवर अनेक दशकांपासून लैंगिक शोषण आणि बलात्कार केल्याचा आरोप केला आहे. यासोबतच आणखी तीन महिलांनी आर्थिक छळ केल्याचा आरोप केला आहे.
Hathras Stampede: खोलीत फक्त तरुणींना प्रवेश, हाथरस सत्संग दुर्घटनेनंतर भोले बाबाचं गुपित उघड

बाबा असा बनवायचा महिलांना शिकार?

राजिंदर कालियाविरोधात एका पीडितेने न्यायालयात सांगितले की, ती सिंगल मदर म्हणून मंदिरात काम करायची. या काळात बाबा कालियाने त्यांना दोन दशकांहून अधिक काळ आपली शिकार बनवली. महिलेने सांगितले की, या काळात तिच्यावर १३२० हून अधिक वेळा बलात्कार झाला. बाबा कालियाने बालपणी आपले लैंगिक शोषण केल्याचा आरोप आणखी एका महिलेने केला आहे. बाबाने बर्मिंगहॅममधील हॉटेलमध्ये तिच्यावर बलात्कार केल्याचा आरोप तिसऱ्या महिलेने केला आहे. चौथ्या महिलेने आरोप केला आहे की कथित बाबाने ती अवघ्या चार वर्षांची असताना तिला अयोग्यरित्या किस केले. ती मोठी झाल्यावर तिच्यावर बलात्कारही झाला.
Hathras Stampede: व्हिडिओत आईचा मृतदेह दिसला, पोरांचा आक्रोश, हाथरस सत्संग दुर्घटनेत अनेकांची घरं उध्वस्त

चमत्कार दाखवून करायचा संमोहित

भारतातील पंजाबमध्ये जन्मलेले राजिंदर कालिया 1977 मध्ये ब्रिटनमध्ये पोहोचले. 1983 मध्ये त्यांनी घरातूनच प्रवचन देण्यास सुरुवात केली. 1986 मध्ये, त्यांनी कॉव्हेंट्रीमध्ये जमीन खरेदी केली आणि त्यावर मंदिर बांधले, जे सिद्ध बाबा बालकनाथ जी सोसायटीच्या नावावर नोंदवले गेले. मंदिरात येणाऱ्या भक्तांना तो चमत्कार दाखवू लागला आणि सांगू लागला की तो देवाचा अवतार आहे आणि सर्व भक्तांनी त्याची सर्वशक्तिमान म्हणून पूजा करावी. देवाशी त्याचा थेट संबंध आहे आणि तो नियमितपणे त्यांच्याशी बोलतो, असा दावाही कालियाने केला. ते पाणी पेटवू शकतात आणि लिंबातून रक्त काढू शकतात असा दावा बाबा करायचा.
Hathras Stampede: धार्मिक सोहळ्यात चेंगराचेंगरीच्या घटनांचा इतिहास, आजवर किती भक्तांनी गमावले जीव
बाबा कालियानेही ते परिपूर्ण आणि चमत्कारी असल्याचे दाखवण्यासाठी एक कथा तयार केली होती. त्याने सांगितले की, भारतात राहत असताना, तो किशोरवयात असताना एका मोटारसायकल अपघातात त्याचा पाय खराब झाला होता. तो कधीही पायावर चालू शकणार नाही, असे डॉक्टरांनी सांगितले होते, असा दावा करण्यात आला. पण ते हिमाचल प्रदेशातील हमीरपूर येथील सिद्धबाबा बालकनाथ यांच्या जन्मस्थानी गेले आणि अचानक त्यांचे पाय बरे झाले. त्यांनी हा बाबा बालकनाथांचा चमत्कार मानला आणि त्यांच्या श्रद्धांचा प्रचार करण्यास सुरुवात केली.
Hathras Stampede : माझ्या पोरीची बॉडी काढायला मदत करा!!! भोवती मृतदेहांचा खच, माऊलीचा काळीज फाडणारा आक्रोश

महिलांना कोणाशीही संबंध ठेवण्यास बंदी

एका महिलेने सांगितले की, बाबा कालियाने लहानपणापासूनच तिच्यावर ताबा मिळवला होता. मी ब्रिटनच्या बाहेर असतानाही हे असायचे. महिलेने सांगितले की, ‘शैतान कालियाने सांगितले होते की, मला कोणाशीही संबंध ठेवायचे नाहीत. भारतात गेल्यावर तो माझ्या प्रत्येक हालचालीवर लक्ष ठेवून आहे असे मला वाटले. मी वेडा झाले, मी घाबरली होती. विशेष म्हणजे मंदिरातील अनेक सदस्यांनीही बाबांच्या बाजूने साक्ष दिली आहे. यावर पीडिता म्हणाली, ‘ते कालियाच्या आदेशानुसार काम करणाऱ्या कळसुत्री बाहुल्या आहेत, पण माझी दोरी कापली गेली आहे. तो देव नाही. तो देवाचा अवतार नाही, तो सैतान आहे. पत्नीसह 11 लाख पौंड (सुमारे 11 कोटी रुपये) किमतीच्या आलिशान घरात राहणाऱ्या बाबा कालियाने आपल्यावरील आरोप फेटाळून लावले आहेत. कालिया म्हणाले की, हे आरोप त्यांच्या पंथाच्या विरोधातील एका मोठ्या कटाचा भाग आहेत.