सोडाची चव वेगळी लागली, नवऱ्याने CCTV तपासलं अन् पत्नीला अटक, प्रकरण ऐकून पोलिसही चक्रावले

वॉशिंग्टन: पती-पत्नीमधील वाद हे कधी मोठं आणि भयानक रुप घेतील हे सांगता येत नाही. असंच काहीसं अमेरिकेत घडलं आहे. जिथे एका महिलेने आपल्या पतीला विष देत संपवण्याचा प्रयत्न केला. जेव्हा तिच्या या कृत्यामागील कारण समोर आलं तेव्हा साऱ्यांनाच धक्का बसला. या महिलेले आपल्या पतीला फक्त या कारणासाठी विष दिलं कारण त्याने वाढदिवसाची पार्टी दिल्याबद्दल पत्नी कौतुक नाही केलं. ४७ वर्षीय मिशेल वाय पिटर्सला पतीच्या माऊंटेन ड्यूमध्ये किटकनाशक घालताना पकडण्यात आलं आहे. मिशेलने पतीच्या ५० व्या वाढदिवसाला पार्टी दिली होती, पण त्याने तिचं कौतुक केलं नाही, म्हणून तिने हे केलं.

न्यूयॉर्क पोस्टच्या रिपोर्टनुसार, मिशेलला सोमवारी अटक करण्यात आलं. तिच्यावर पतीची हत्या करण्याचा प्रयत्न केल्याचा आरोप आहे. जेव्हा तिने पोलिसांना माऊंटेन ड्यूमध्ये किटकनाशन मिसळण्याचं कारण सांगितलं तेव्हा त्यांनाही धक्का बसला. मिशेलने सांगितलं की तिला तिच्या पतीविरोधात क्रूर व्हायचं होतं कारण तो तिचं कौतुक करत नाही.
Hathras Stampede: खोलीत फक्त तरुणींना प्रवेश, हाथरस सत्संग दुर्घटनेनंतर भोले बाबाचं गुपित उघड

पतीची पोलिसांत तक्रार दाखल

तिच्या पतीने लौक्लेड काउंटी शेरिफ कार्यालयात आपल्या पत्नीबाबत तक्रार दाखल केलीय पोलिसांनी दिलेल्या माहितीनुसार, पतीने तक्रारीत म्हटलं की, त्याची पत्नी त्याला जी माऊंटेन ड्यूची कॅन देते त्याची चव वेगळी असते. सुरुवातीला त्याने या चवीकडे दुर्लक्ष केलं. पण, काही आठवड्यांनंतर त्याला घशात घवघव, मळमळ, उलटी अशा समस्या जाणवू लागल्या. त्याने हेही सांगितलं की जेव्हा त्याला खोकला यायचा तेव्हा त्याच्या तोंडून पिवळ्य रंगाचा कफ बाहेर पडायचा. त्यामुळे त्याला संशय आला आणि त्याने घरातील सीसीटीव्ही फुटेज सपासलं. तेव्हा त्याला त्यात पत्नी फ्रिजमधून सोडा आणि किटकनाशनची बाटली घेऊन जाताना दिसली. काही वेळाने ती पुन्हा परतली आणि तिने दोन्ही गोष्टी पुन्हा फ्रिजमध्ये ठेवल्या. पतीने दावा केला आहे की तेव्हा किटकनाशकची बाटली ही रिकामी होती.

जेव्हा त्याने पत्नी मिशेलला सांगितल की त्याची तब्येत बरी वाटत नाहीये, तेव्हा ती त्याला म्हणाली की कदाचित कोव्हिड झाला असेल, नातवांपासून लांब राहा. मिशेलच्या पतीने संशय व्यक्त केला आहे की तिचं अफेअर सुरु असून तिला त्याची ५००,००० अमेरन डॉरलचा विमा हवा आहे. त्याने हा देखील आरोप लावला की पत्नीने बिझनेस अकाऊंटमधून त्यांच्या पर्सनल अकाऊंटमध्ये ट्रान्सफर होणारे पैसेही कमी केले आहेत. सध्या पोलिस या प्रकरणाचा तपास करत आहेत.