Extramarital Affair: डोंगरावरील घरात पत्नी एका पुरुषासोबत गेली; जगात कोणत्याही पतीने केले नसेल अशा प्रकारे लावला छडा!

बीजिंग:पती-पत्नी किंवा बॉयफ्रेंड-गर्लफ्रेंड यांच्या नात्यात काहीवेळी जोडीदारावर शंका घेतली जाते. नात्यात अशा प्रकारे जोडीदाराच्या मनात शंकेने जागा घेतली तर मग सत्य शोधण्यासाठी व्यक्ती कोणत्याही थराला जाते. जोडीदार आपल्याला फसवतोय का हे पाहण्यासाठी अनेकदा फोन टॅप करणे किंवा डिटेक्टीव्ह मागे लावले जातात. आता अशीच एक घटना समोर आले आहे ज्यात पतीने पत्नीकडून होणारी फसवणूक शोधण्यासाठी आजवर कधीही न ऐकलेला प्रकार केला.

चीनमधील ३३ वर्षीय एका पतीने पत्नीची फसवणूक पकडण्यासाठी चक्क ड्रोन कॅमेरा खरेदी केला. या ड्रोन कॅमेऱ्याच्या मदतीने पत्नीचे कारनामे शोधले. जिंग नावाच्या पती गेल्या एका वर्षापासून पत्नीच्या वागणुकीमुळे वैतागला होता. पत्नी जिंगला अनेकदा इग्नोर करायची. कधी ऑफिसचे तर कधी माहेरचे कारण सांगून ती घरातून बाहेर रहायची, यावरून जिंगला संशय येऊ लागला. त्याने पत्नी वू वर नजर ठेवण्यासाठी एक ड्रोन कॅमेरा घेतला.
Crossbow Attack: लंडनमध्ये तिहेरी हत्याकांडाने एकच खळबळ; BBC पत्रकाराच्या पत्नीसह दोघा मुलींना क्रॉसबोचा वापर करून केले ठार

ड्रोनच्या मदतीने तो पत्नीवर नजर ठेवू लागला. ड्रोन फुटेजवरून त्याच्या लक्षात आले की, पत्नी वू एका गाडीत बसून एका डोंगरावर गेली. गाडीतून तिच्या सोबत एक पुरुष देखील होता. दोघेही एकमेकांच्या हातात हात घेऊन फिरत होते. त्यानंतर दोघेही एका घरात गेले. काही मिनिटांनी ते बाहेर पडले आणि कामाच्या ठिकाणी गेले.

जिंगने शोध घेतल्यानंतर त्याला कळाले की, संबंधित व्यक्ती अन्य कोणी नसून पत्नी ज्या कारखान्यात काम करते तेथील बॉसच आहे. ड्रोनच्या मदतीने पत्नीचा पर्दाफाश केल्यानंतर आता जिंग ड्रोन फुटेजच्या आधारावर घटस्फोट घेणार आहे. या प्रकरणावर सोशल मीडियावर जोरदार चर्चा सुरू आहे. तसेच व्हायरल होणाऱ्या व्हिडिओवर अनेक जण प्रतिक्रिया देत आहेत. काहींच्या मते ड्रोन कॅमेरा विकत घेणे ही एक चांगली आयडीया होती. ज्यामुळे पत्नी काय करते आणि कशा प्रकारे फसवते हे लक्षात आले. तंत्रज्ञानाचा चांगला वापर करून खोटारडेपणा पकडता येतो, असेही काही युझर्सनी म्हटले आहे.