पुणेकरांना पुराचा फटका, कर्तव्याकडे दुर्लक्ष केल्याचा ठपका, सहाय्यक आयुक्तांचं निलंबन

पुणे: पुण्यात झालेला सततचा पाऊस आणि अचानक खडकवासला धरणातून पाणी सोडल्याने मुठा नदीला मोठा पूर आला. त्यामुळे सिंहगड रस्त्यावरील एकतानगरी, निंबज नगर, विठ्ठल नगर परिसरातील नदीकाठच्या अनेक सोसायट्या, अपार्टमेंट या भागात छातीपर्यंत पाणी साचलं आणि नागरिक अडकून पडले. त्यांना बोटीच्या मदतीने बचावण्यात आलं. आता याप्रकरणात सहाय्यक आयुक्तांवर कारवाई करण्यात आली आहे.

कर्तव्यात कसुरी, सहाय्यक आयुक्तांचं निलंबन

पुण्यातील पूर परिस्थितीत कर्तव्यात कसुरी केल्याप्रकरणी सहाय्यक आयुक्त पुणे महापालिका (सिंहगड रोड क्षत्रिय कार्यालय) संदीप खलाटे यांना निलंबित करण्यात आले आहे. कामाच्या जबाबदारीत कसूर कर्तव्य पार पाडताना गुणवत्ता औचित्य आणि उत्तरदायित्व ठेवले नसल्याचा ठपका त्यांच्यावर ठेवण्यात आला आहे.
Pune Rain: कंबरभर पाण्यात गाडी घालण्याचा अतिशहाणपणा, पुण्यात कार वाहत निघाली, इतक्यात… थरारक घटनेचा VIDEO

उपमुख्यमंत्री अजित पवार, देवेंद्र फडणवीसांचे कारवाईचे आदेश

पुण्यात झालेल्या अति मुसळधार पावसामुळे सिंहगड रस्ता भागात पूर परिस्थिती निर्माण झाली होती. या पूर परिस्थितीमुळे नागरिकांचे प्रचंड हाल झाले होते. पूर परिस्थिती निर्माण झाली तेव्हा पालकमंत्री अजित पवार यांनी पूरग्रस्त भागाला भेट दिली होती. नागरिकांचे हाल होण्यास जबाबदार अधिकाऱ्यांवर त्वरित कारवाई करा असे आदेश देखील त्यांनी यावेळी दिले होते.

त्याबरोबर उपमुख्यमंत्री देवेंद्र फडणवीस यांनी देखील कारवाईचे आदेश दिले होते. उपमुख्यमंत्री अजित पवार आणि उपमुख्यमंत्री देवेंद्र फडणवीस यांच्या आदेशानंतर आता महापालिका आयुक्त राजेंद्र भोसले ॲक्शन मोडवर आले आहेत. या पूर परिस्थितीमध्ये कर्तव्यात कसुरी करणाऱ्या अधिकाऱ्यांना महापालिकेचे आयुक्त राजेंद्र भोसले यांनी निलंबित केले आहेत.

नागरिकांना पूर्व सूचना न देता धरणातून विसर्ग सोडला

मुसळधार पाऊस आणि अचानक नागरिकांना कुठलीही पूर्वसूचना न देता खडकवासला धरणातून मुठा नदीत मोठा विसर्ग सोडण्यात आला. धरणातून विसर्ग सोडण्यापूर्वी नागरिकांना कुठलीही पूर्व सूचना देण्यात आलेली नव्हती.Pune Rain: कर्तव्यात कसुरी केल्याप्रकरणी सहाय्यक आयुक्तांचं निलंबन, पुणे पूरस्थितीबाबत कारवाई त्यामुळे सिंहगड परिसरातील अनेक भागांमध्ये छातीपर्यंत पाणी साचलं होतं. त्यामुळे नागरिक घरातच अडकून पडले.

त्यामुळे पुणे महापालिका, अग्निशमन दल, एनडीआरएफ आणि लष्काराचे जवान बचावकार्यात लागले. छातीपर्यंत वाढलेल्या पाणी पातळीत बोटीच्या मदतीने नागरिकांना बाहेर काढण्यात आले.