Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Salil Deshmukh: आम्ही धमक्यांना घाबरत नाही, अनिल देशमुखांच्या मुलाने भाजप नेत्यांना सुनावले
म. टा. विशेष प्रतिनिधी, नागपूर : राष्ट्रवादी काँग्रेसचे (शरद पवार गट) नेते माजी गृहमंत्री अनिल देशमुख यांना वैद्यकीय नाही तर, आरोपांबाबत पुरावे सादर करण्यात आले नाही आणि प्रकरणात विश्वासार्हता नसल्याच्या आधारे जामिन देण्यात आला. तो रद्द करून तुरुंगात टाकण्याची भाषा करणाऱ्या नेत्यांच्या धमक्यांना आम्ही घाबरत नाही, असा इशारा पक्षाचे तरुण नेते व जिल्हा परिषद सदस्य सलिल देशमुख यांनी दिला.
अनिल देशमुख यांच्यावरील आरोपसंदर्भात पुराव्यांवरून दावे-प्रतिदावे सुरू आहेत. भाजपकडून आमदार परिणय फुके, माजी आमदार डॉ.आशिष देशमुख, अजय पाटील आदींनी देशमुख यांना लक्ष्य केले. यावर त्यांचे पुत्र सलिल यांच्यासह अन्य नेत्यांनी भाजप नेत्यांना प्रत्युत्तर देत पलटवार केले.
अनिल देशमुख यांच्या विरोधात पुरावे नाही, ऐकीव माहितीच्या आधारे त्यांच्यावर आरोप करण्यात आले. सर्व दस्तावेज व बयाणावरून भविष्यात ते दोषी ठरू शकणार नाही, असे न्यायालयाने नमूद केले. दोन वर्षांपूर्वी न्या. चांदिवाल आयोगाने त्यांना क्लिन चीट दिली, असा दावा करून सलिल देशमुख म्हणाले, ही वस्तुस्थिती असताना भाजप नेते तुरुंगात पाठण्याच्या धमक्या देत आहेत.
Anil Deshmukh: ठाकरे पितापुत्र, अजित पवारांवर खोटे आरोप करण्यासाठी फडणवीसांचा दबाव; देशमुखांचे गंभीर आरोप
खोटे आरोप करावे, या भाजपच्या कटकारस्थानाचे भाग न होता अनिल देशमुख कारागृहात गेले. आमच्या कुटुंबीयांवर १३० वेळा छापे टाकण्यात आले. माझ्या सहा वर्षाच्या कन्येची चौकशी करून तिला त्रास देण्यात आला. संपूर्ण कुटुंबीयांना अडचणीत आणण्याचे काम केले. यानंतरही अनिल देशमुख डगमगले नाही व त्यांच्यासमोर झुकले नाही, असेही सलिल देशमुख म्हणाले.Parinay Fuke : जरांगेंनी विधानसभेच्या सर्वच्या सर्व जागा लढवाव्यात, आमदार परिणय फुकेंचा खोचक सल्ला
खोट्या आरोपाखाली अटक केल्यानंतर न्यायालयाने जामिन दिल्यावरही अनिल देशमुख यांच्या विरोधात षडयंत्र रचून बदनाम करण्यात येत आहे. काटोलसह राज्याची जनता विधानसभा निवडणुकीत याचा सुड उगवल्याखेरीज राहणार नाही, असे प्रदेश प्रवक्ते प्रवीण कुंटे म्हणाले.
अजय पाटील राष्ट्रवादी काँग्रेसचे शहराध्यक्ष असताना निष्क्रियतेमुळे पायउतार करण्यात आले. त्यामुळे त्यांनी भाजपमध्ये प्रवेश केला. आंदोलनासाठी त्यांच्याकडे एकही कार्यकर्ता नाही. त्यांनी मर्यादा सांभाळावी अन्यथा ठोस प्रत्युत्तर देण्यात येईल, असा इशारा राष्ट्रवादी युवकचे प्रदेश कार्याध्यक्ष शैलेंद्र तिवारी यांनी दिला.