युट्यूबवरून बुलेट सुरु करण्याचं‌ तंत्र शिकला, नंतर अनेक गाड्यांची चोरी, विधीसंघर्षग्रस्त मुलाचे प्रताप!

अजय गर्दे, धुळे : धुळ्यातून एक धक्कादायक प्रकार उघडकीस आला आहे. विधीसंघर्षग्रस्त मुलांनी युट्युबचा वापर करुन चक्क बंद बुलेट सुरु करण्याचे तंत्र शिकले आणि या तंत्राचा वापर करुन अनेक बुलेट लांबवल्या. पोलिसांच्या एलसीबी पथकाला यापैकी एक बालक चाळीसगावात संशयास्पदरित्या फिरत असल्याची माहिती मिळाली आणि पोलिसांनी तपास सुरु केला आणि दोन विधीसंघर्षग्रस्त मुलांसह सहा संशयितांना अटक केली आहे

पोलिसांच्या माहितीनुसार, धुळ्यातील या विधीसंघर्षग्रस्त बालकाने युट्युबच्या माध्यमातून बाईक सुरु करण्याचे तंत्र शिकले आणि पार्क केलेल्या बुलेट सुरु करुन त्या चोरी करण्याची देखील ठरवले. यासाठी त्याने आपल्या दुसरा विधीसंघर्षग्रस्त मित्राची मदत घेतली. आणि आपल्या या चोरीच्या प्लॅनिंगमध्ये आणखी चार मित्रांनाही जोडले. अशाप्रकारे एक जाळं बनवून त्यांनी अनेक बुलेट लंपास केल्या.
Chandrapur Petrol Bomb Case: पोलिसांना मिळाली गुप्तखबर; पेट्रोल बॉम्बस्फोट प्रकरणातील मुख्य आरोपी गवसला, चंद्रपुरात नेमकं काय घडलं होतं?
याप्रकरणी पोलिसांनी दोन विधीसंघर्षग्रस्त मुलांसह त्यांना साथ देणाऱ्या आणखी चार जणांना बेड्या ठोकल्या आहेत. तर त्यांच्याकडून पाच लाख रुपये किमतीच्या पाच मोटारसायकली जप्त केल्या आहेत. तसेच या चोरीच्या बुलेट विकत घेणाऱ्यांनाही पोलिसांनी ताब्यात घेतले आहे. अशा एकूण सहा संशयितांना अटक करण्यात आली आहे. तर यातील एक संशयित मात्र फरार असून एलसीबी पथक त्यांचा शोध घेत असल्याची माहिती पोलिसांनी दिली. यावेळी मुलांनी धुळे शहरासह आझाद नगर परिसरातून बुलेट चोरी केल्याची कबुली देखील दिली आहे.
Thane News: स्टँडवर नंबर लावण्यावरुन वाद, रॉड काढून डोक्यात घातला; ठाण्यात रिक्षाचालकाने दुसऱ्या चालकाला संपवलं
सदर कारवाई जिल्हा पोलीस अधीक्षक श्रीकांत धिवरे, अप्पर पोलीस अधीक्षक किशोर काळे यांच्या मार्गदर्शनाखाली एलसीबीचे निरीक्षक श्रीराम पवार, सहाय्यक पोलीस निरीक्षक श्रीकृष्ण पारधी, उपनिरीक्षक अमरजित मोरे, पोलीस हेमंत पाटील आणि पथकाने केली आहे.