भीषण! भीमाशंकरला निघाले, कल्याण-मुरबाड रस्त्यावर अर्टिगाची झाडाला जोरदार धडक, तिघांचा मृत्यू

कल्याण: कल्याणवरून भीमाशंकरला महादेवाच्या दर्शनाला जाणाऱ्या गाडीला कल्याण मुरबाड रस्त्यावर भीषण अपघात झाला. कल्याण मुरबाड रस्त्यावरील वडापा गावाजवळ कार चालकाचा गाडीवरील ताबा सुटल्याने ही अर्टिगा कार थेट झाडावर जाऊन आदळली. ही धडक इतकी जबर होती की त्यात अर्टिगाचा पूर्णपणे चक्काचूर झाला. या अपघातात तिघांचा मृत्यू झाल्याची माहिती आहे. माळशेज घाटात हा अपघात झाल्याची माहिती आहे.

भीषण अपघातात तिघांचा मृत्यू, तिघे जखमी

कल्याण-मुरबाड मार्गावर झालेल्या या अपघातात तिघांची जीव गमावला आहे. तर एकजण गंभीर जखमी असल्याची माहिती आहे. दोघे किरकोळ जखमी आहेत. जखमींना सध्या उपचारासाठी रुग्णालयात दाखल करण्यात आलं आहे. तर, मृतदेह शवविच्छेदनासाठी पाठवण्यात आले आहेत. हा अपघात नेमका कसा झाला याबाबत सविस्तर वृत्त अद्याप आलेलं नाही.
Badlapur Blast: बदलापूरच्या केमिकल कंपनीत ब्लास्ट, रिअ‍ॅक्टरचा रिसिव्हर उडून घरावर कोसळला, तिघांवर संकट

दरवर्षी प्रमाणे सहा मित्र महादेवाच्या दर्शनाला निघाले

आज पहिला श्रावणी सोमवार आहे. दरवर्षीप्रमाणे श्रावणातल्या पहिल्या सोमवारी भीमाशंकरला महादेवाचे दर्शन घेण्यासाठी सहा मित्र निघाले. घरातून निघताना या मित्रांनी विचारही केला नसेल की त्यांच्यासोबत असं काही घडेल. या सहा मित्रांच्या अर्टिगा गाडीला मुरबाड जवळील वडपा गावानजीक भीषण अपघात झाला. या गंभीर अपघातात दोन मित्रांचा जागीच मृत्यू झाला, तर एकाचा उपचारादरम्यान मृत्यू झाल्याची माहिती पोलिसांकडून देण्यात आली आहे.

या भीषण अपघातात आश्विन शरद भोईर, प्रतीक चोरगे आणि नरेश म्हात्रे या तिघांचा मृत्यू झाला आहे. यातील दोघेजण कल्याण पूर्वेतील चिंचपाडा परिसरातील राहणारे आहेत. तर, एकजण टिटवाळा जवळील गोवेली परिसरात राहत होता. एकजण गंभीर जखमी झाला आहे. तर, उर्वरित दोघेजण किरकोळ जखमी झाले असून त्यांना मुरबाडमधील रुग्णालयात उपचारासाठी दाखल करण्यात आले.

दरम्यान, भक्तांवरच काळाने घाला घातल्याने परिसरातूव हळहळ व्यक्त केली जात आहे. चालकाचा ताबा सुटल्याने त्याच्या ताब्यातील गाडी झाडावर जाऊन आदळल्याने हा अपघात झाल्याची माहिती स्थानिकांनी दिली असून हा अपघात नेमका कसा झाला याचा तपास सुरू असल्याचे पोलिसांनी सांगितले.