कोकणात चिपळूणच्या जागेवर शिवसेनेच्या शिंदे गटाचा दावा, अजितदादा गटाच्या आमदाराची डोकेदुखी वाढणार?

प्रसाद रानडे, रत्नागिरी : कोकणात लोकसभा निवडणुकीनंतर आता विधानसभा निवडणुकीच्या पार्श्वभूमीवर राजकीय वातावरण तापलं आहे. महायुती असतानाही चिपळूण विधानसभा मतदारसंघावर शिवसेनेच्या शिंदे गटाकडून दावा करण्यात आला आहे. चिपळूणची जी जागा सध्या राष्ट्रवादीच्या अजितदादा गटाकडे असून चिपळूण येथून शेखर निकम सध्या विद्यमान आमदार आहेत. पण असं असले तरी शिवसेनेच्या शिंदे गटाकडून दावा करण्यात आल्याने मोठी खळबळ उडाली आहे.

चिपळून विधानसभेत उमेदवारी कोणाला?

चिपळूण विधानसभा मतदारसंघाचे माजी आमदार सदानंद चव्हाण यांच्या निर्धार मेळाव्यातही सदानंद चव्हाण यांच्यासाठी कार्यकर्त्यांनी चिपळूण जागेची मागणी केली आहे. मात्र एकंदरच विधानसभा निवडणुकीसाठी चिपळूण मतदारसंघाचा विचार केल्यास महाविकास आघाडी आणि महायुतीकडे इच्छुकांची यादी मोठी आहे. त्यामुळे नेत्यांसाठी उमेदवारी देताना कोणाला संधी दिली जाते हे पाहणं महत्वाचं ठरणार आहे. पण असं असलं तरीही महायुती विधानसभा निवडणुकीला एकत्र सामोरे गेल्यास ही जागा शेखर निकम यांच्यासाठी निश्चित मानली जाते.
Man Drowned In Waterfall : धबधब्यावर पाण्यात पडला, काही वेळ साळखीचा आधार, पण हात निसटला आणि… १५० फूट खोल दरीत तरुणाचा अंत
शिवसेना भाजपा युतीच्या काळात चिपळूण ही जागा शिवसेनेकडे होती. मात्र आता महायुतीमध्ये अजित दादांची राष्ट्रवादी सहभागी झाल्याने ही जागा महायुतीमधून अजित दादांच्या राष्ट्रवादीला सुटण्याची शक्यता अधिक आहे. आमदार शेखर निकम हे गेली दोन टर्म याच विधानसभेचे प्रतिनिधित्व करत आहेत. त्यामुळे महायुतीकडूनही विधानसभा निवडणुका एकत्र लढवल्या गेल्यास ही जागा अजित दादांच्या राष्ट्रवादीलाच सोडवण्यात येईल हे जवळपास निश्चित आहे. पण महायुतीमधील राष्ट्रवादी स्वातंत्र लढल्यास ही जागा मुख्यमंत्री एकनाथ शिंदे यांच्या शिवसेनेच्या सदानंद चव्हाण यांना मिळू शकते.
Bajrang Punia : ही मुलगी जग जिंकणार, पण देशाच्या व्यवस्थेनेच तिचा पराभव केलाय; विनेशच्या विजयावर बजरंगची तिखट प्रतिक्रिया

महायुती, महाविकास आघाडीकडून कोण उमेदवार असणार?

महाविकास आघाडी मधून चिपळूण येथे उमेदवारीसाठी चुरस असून ठाकरे गटाचे नेते गुहागरचे विद्यमान आमदार भास्कर जाधव यांनीही आपण चिपळूणमधून इच्छुक असल्याचे जाहीरपणे यापूर्वी सांगितलं आहे. मात्र अशातच काँग्रेसचे माजी तालुकाध्यक्ष, महाविकास आघाडीचे उमेदवार प्रशांत यादव प्रशांत चव्हाण यांना खुद्द शरद पवार यांनी काही महिन्यांपूर्वी राष्ट्रवादीमध्ये घेऊन चिपळूण विधानसभा मतदारसंघासाठी उमेदवारीचा शब्द दिल्याचा बोललं जात आहे. इतकच नाही, तर शिवसेनेच्या ठाकरे गटाचे रोहन बने हे सुद्धा येथून इच्छुक उमेदवार मानले जातात. त्यामुळे चिपळूण विधानसभा मतदार संघातून महायुतीकडून, महाविकास आघाडीकडून कोण उमेदवार असतील यावरच पुढील राजकीय गणित ठरणार आहेत.

विधानसभा निवडणुकांपूर्वीच महाविकास आघाडी आणि महायुतीकडून इच्छुकांची संख्या वाढली आहे. त्यावर चिपळूणची उमेदवारी ठरवताना महायुती आणि महाविकास आघाडीचे नेते कोणती भूमिका घेतात हे पाहणं महत्त्वाचं ठरणार आहे. लोकसभा निवडणुकीत नारायण राणे यांना ही जागा महायुती मधील राष्ट्रवादीकडे असतानाही चिपळूण विधानसभा मतदारसंघातून मताधिक्य मिळू शकलेले नाही, त्यामुळे विधानसभा निवडणुकीत महायुतीमध्ये हा मुद्दाही महत्त्वाचा मानला जात आहे.