चार महिन्यांपूर्वी प्रेमविवाह, १९ वर्षीय विद्यार्थिनीवर भररस्त्यात हल्ला, नवऱ्यावर संशय

स्वप्नील एरंडोलीकर, सांगली : सांगलीत महाविद्यालयीन युवतीवर भर रस्त्यात हल्ला झाल्याची धक्कादायक घटना समोर आली आहे. सांगलीतील गर्दीने गजबजलेल्या कॉलेज कॉर्नर भागात हा प्रकार घडला. विशेष म्हणजे कॉलेजमध्ये शिकणाऱ्या विद्यार्थिनीच्या पतीनेच तिच्यावर चाकूने हल्ला केल्याचा आरोप केला जात आहे. पोलीस या प्रकरणाची अधिक माहिती घेत आहेत. मात्र हा हल्ला नेमका कुठल्या कारणामुळे झाला, हे अद्याप स्पष्ट झालेलं नाही.

सांगलीतील कॉलेज कॉर्नर भागात एका महाविद्यालयीन युवतीवर तिच्या पतीने चाकू हल्ला केल्याची अंगाचा थरकाप उडवणारी घटना समोर आली आहे. यात युवतीच्या हाताला गंभीर दुखापत झाली आहे. कॉलेजला जात असताना युवतीच्या पतीने हल्ला केला. दोघांचा काही महिन्यांपूर्वी प्रेम विवाह झाला असल्याची प्राथमिक माहिती समोर येत आहे.
Body in Suitcase : दादरला सूटकेसमध्ये डेडबॉडी, मूकबधीर अ‍ॅनिमेटरकडून हत्येचं शूटिंग, मित्रांना व्हिडिओ कॉल केल्याचंही समोर
आज (बुधवारी) सकाळी आठ वाजण्याच्या सुमारास सांगली कॉलेज जवळ तरुण आणि तरुणी गाडीवर बोलत बसले होते. त्या दोघात काही तरी वादावादी झाली अन् तरुणाने गाडीतून चाकू काढून तिच्यावर वार करायला सुरुवात केली.
Goregaon Couple Death : बायकोचा खून करुन आत्महत्या, मुलाचा गोंधळ उडू नये म्हणून पेडणेकरांनी केलेली सोय, ‘तो’ मेसेज देणार कलाटणी
वार करत असताना तरुणीने हात आडवा केला. त्यामुळे हातावर वर्मी घाव बसलाय तेथील नागरिकांनी तिला तात्काळ सिव्हील हॉस्पिटलमध्ये दाखल केले. तिच्यावर उपचार सुरु असून प्रकृती स्थिर असल्याचे डॉक्टरांनी सांगितले आहे. तरुणीचे नाव प्रांजल काळे असून तिचे वय १९ वर्ष आहे. हल्लेखोराचं नाव मात्र समजू शकलेले नाही.

सांगलीतील जुन्या घटनेच्या आठवणी ताज्या

या घटनेमुळे सांगलीत जवळपास २५ वर्षांपूर्वी घडलेल्या अमृता देशपांडे हत्या प्रकरणाच्या आठवणी ताज्या झाल्या आहेत. अमृता देशपांडे हिची एकतर्फी प्रेमातून हत्या करण्यात आली होती. १८ वर्षांच्या अमृतावर दोन सप्टेंबर १९९८ रोजी आरोपी बबन राजपूत याने धारदार चाकूने सपासप वार केले होते. मात्र हल्ल्यानंतर रुग्णालयात नेले जात असताना वाटेतच तिने प्राण सोडले होते. सांगलीच्या गजबजलेल्या शास्त्री चौकात संध्याकाळी सात वाजताच्या सुमारास ही घटना घडली होती. विशेष म्हणजे हत्या होताना पाहूनही आसपासच्या भागातील रहिवाशांनी, दुकान चालकांनी दारं-खिडक्या बंद केल्याचं बोललं जात असे.