Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
Majhi Ladki Bahin Yojana Update: लाडकी बहिण योजनबाबत महत्वाचा निर्णय; राज्य सरकारने मंजूर केले आणखी १९९ कोटी, जाणून घ्या मोठी अपडेट
म.टा.खास प्रतिनिधी, मुंबईमुख्यमंत्री लाडकी बहिण योजनेतील पात्र महिलांना दोन हप्ते मिळण्यास सुरुवात झाली असतानाच या योजनेच्या प्रसिद्धीसाठीही राज्य सरकारने कोट्यावधी रुपयांची तरतूद केली आहे. या योजनेच्या माध्यम आरखड्यास मंजुरी देण्याचा महत्त्वपूर्ण निर्णय महिला व बालविकास विभागातर्फे घेण्यात आला असून याअंतर्गत या योजनेच्या प्रसिद्धीसाठी १९९ कोटी ८१ लाख ४७ हजार ४३६ रुपयांच्या निधीला मान्यता देण्यात आली आहे. आगामी विधानसभा निवडणुकीच्या अनुषंगाने हा निर्णय महत्वाचा मानला जात आहे. या माध्यम आराखड्यानुसार फोन कॉल, सिनेमागृह, एसटी स्टॅण्ड, मेट्रो रेल्वे आणि इतर महत्वाच्या ठिकाणी या योजनेची प्रसिद्धी केली जाणार आहे.
आगामी विधानसभा निवडणुका लक्षात घेता राज्य सरकारने मुख्यमंत्री लाडकी बहिण योजनेची घोषणा केली. गेल्या काही दिवसांपासून या योजनेवरुन बराच राजकीय आरोप प्रत्यारोपांचा सिलसिला सुरु असतानाच गुरुवारी या योजनेतील पात्र महिलांना दोन हप्ते त्यांच्या खात्यावर जमा करण्यास सुरुवात झाली आहे. त्यातच गेल्या काही दिवसांपूर्वी ही योजना राज्यात सर्वत्र पोहचविण्यासाठी महायुती सरकारने सर्वस्व पणाला लावले आहे. त्याअंतर्गत आता या योजनेच्या प्रसिद्धी करिता माध्यम आराखडा राबविण्यास मान्यता देण्यात आली आहे.
आगामी विधानसभा निवडणुका लक्षात घेता राज्य सरकारने मुख्यमंत्री लाडकी बहिण योजनेची घोषणा केली. गेल्या काही दिवसांपासून या योजनेवरुन बराच राजकीय आरोप प्रत्यारोपांचा सिलसिला सुरु असतानाच गुरुवारी या योजनेतील पात्र महिलांना दोन हप्ते त्यांच्या खात्यावर जमा करण्यास सुरुवात झाली आहे. त्यातच गेल्या काही दिवसांपूर्वी ही योजना राज्यात सर्वत्र पोहचविण्यासाठी महायुती सरकारने सर्वस्व पणाला लावले आहे. त्याअंतर्गत आता या योजनेच्या प्रसिद्धी करिता माध्यम आराखडा राबविण्यास मान्यता देण्यात आली आहे.
या निर्णयानुसार आता राज्य सरकारच्या माहिती व जनसंपर्क महासंचालनालयातर्फे हा माध्यम आराखडा राबविण्यात येणार आहे. त्यानुसार १९९ कोटी ८१ लाख ४७ हजार ४३६ रुपयांच्या खर्चाला मान्यता देण्यात आली आहे. याअंतर्गत माहिती व जनसंपर्क महासंचालनालयाच्या जाहिरात प्रसिद्धीची कार्यवाही माध्यम आराखडा समितीतर्फे करण्यात येणार आहे. तर या योजनेच्या प्रचार व प्रसिद्धीसाठी मीडिया प्लनिंग करणे, दृकश्राव्य, श्राव्य जाहिरातीचे क्रिएटिव्ह त्याचप्रमाणे बाह्य माध्यमांच्या प्रसिद्धीचा मजकूर अंतिम करण्याची कारवाई करण्याची सूचना यावेळी समितीतर्फे करण्यात आली आहे.
कर्जतमध्ये झळकले ‘सुपारीबाज’ फलक, काँग्रेसचे उत्तर तर मनसेने घेतले अंगावर; पुढील अपडेट १६ ऑगस्टला…
माहितीपट, जिंगल्स, थिम सॉंग तयार करणार
या निर्णयानुसार ही योजना सर्वसामान्य जनतेपर्यंत पोहचविण्यासाठी प्रिंट, टीव्ही या माध्यमाप्रमाणेच अॅनिमेशन फिल्म, थिम साँग, जिंगल्सची निर्मिती करण्यात येणार असून त्यानुसार माध्यम आराखडा तयार करण्यात आला आहे. त्याशिवाय १६ एफएम वाहिन्यांवरही याची प्रसिद्धी केली जाणार आहे.
ट्रेन आणि सिनेमागृहातही होणार प्रसिद्धी
ही योजना सर्वसामान्यांपर्यंत पोहचविण्यासाठी सिनेमागृहातही याची प्रसिद्धी करण्याचा निर्णय घेण्यात आला असून त्याशिवाय मुंबईतील सेंट्रल आणि हार्बर रेल्वेवर ऑडिओच्या माध्यमातून प्रसिद्ध केली जाणार आहे. याशिवाय राज्यातील अनेक एसटी स्टॅण्ड, बस स्टॅण्ड, खासगी होर्डिंग्ज, मुंबई विमानतळ, मेट्रो रेल्वेमधून यासाठी प्रसिद्धी करण्याचा निर्णय यावेळी घेण्यात आला आहे.