विधानसभेसाठी संघाचा प्लॅन G, केंद्रातील मवाळ चेहरा महाराष्ट्रात आणणार, भाजप नेत्यांना सूचना

By tejpolicetimes On Aug 28, 2024

मुंबई : आगामी विधानसभा निवडणुकांच्या दृष्टीने भाजपने कडेकोट नियोजन आखण्यास सुरुवात केली आहे. महाराष्ट्र विधानसभेच्या निवडणुका फक्त राज्याच्याच नव्हे, तर केंद्रीय नेतृत्वासाठीही महत्त्वाच्या आहेत. त्यामुळे हायकमांडनेही त्यात जातीने लक्ष घातले आहे. भाजपसोबतच राष्ट्रीय स्वयंसेवक संघही निवडणुकांसाठी सज्ज झाला असून त्यांनी पक्षाला काही सूचना केल्याची माहिती मिळत आहे. केंद्रीय पातळीवर आश्वासक असलेल्या एका मराठमोळ्या चेहऱ्याचा विधानसभेसाठी वापर करण्याचा सल्ला देण्यात आला आहे. महाराष्ट्र भाजपने अद्याप यावर कोणताही अंतिम निर्णय घेतला नसल्याची माहिती आहे.

संघाचा प्लॅन काय?

महाराष्ट्रातील सध्याची राजकीय स्थिती आणि भाजपसमोर उभी असलेली आव्हानं लक्षात घेता, आगामी विधानसभा निवडणुकीत नितीन गडकरी यांनी अधिक भूमिका बजावावी, असं मत राष्ट्रीय स्वयंसेवक संघातील काही नेत्यांनी व्यक्त केलं आहे. विधानसभेच्या फक्त प्रचारासाठीच नव्हे, तर नियोजनातही लक्ष घालण्याचं सुचवण्यात आलं आहे. ‘एबीपी माझा’ने यासंदर्भात वृत्त दिले आहे.
BJP leader joins Congress : भाजपला नाना पटोलेंचा पुन्हा धक्का, कल्याणमधील बडा मोहरा फोडला, रात्री उशिरा काँग्रेस प्रवेश

आश्वासक चेहऱ्यामुळे गडकरींवर मदार

नितीन गडकरी यांचा विकासात्मक आणि मवाळ चेहरा भाजपला उपयुक्त ठरण्याचा अंदाज आहे. गेली काही वर्ष केंद्रीय मंत्री म्हणून त्यांनी केलेल्या कामांमुळे जनतेच्या मनात विश्वास निर्माण झाला आहे. त्यामुळे महाराष्ट्र भाजपसाठी आगामी निवडणुकांत ते उपयुक्त ठरतील, असं राष्ट्रीय स्वयंसेवक संघाचं मत आहे. त्यामुळे निवडणूक नियोजनात गडकरींना अधिक सक्रिय राहण्याच्या सूचना देण्यात आल्याची माहिती आहे. मात्र भाजपकडून अद्याप अंतिम निर्णय झालेला नाही.

Vivek Kolhe : भाजपला पुन्हा धक्का, विवेक कोल्हे ‘तुतारी’ फुंकण्याचे संकेत, शरद पवारांच्या भेटीमुळे चर्चा

उमेदवारांच्या निवडीतही सहभाग?

लोकसभा निवडणुकीत राज्यातील परिस्थितीचा विचार करता, अनुभवी नेत्यांना परत आणण्याची गरज आहे का, याची चाचपणी भाजप आणि संघाचे नेते करत आहेत. नितीन गडकरींचा चेहरा राजकारणात अधिक सक्रिय करण्याबाबत विचार विनिमय सुरु आहे. महाराष्ट्रातील दैनंदिन राजकारणापासून नितीन गडकरी काहीसे लांब आहेत. त्यामुळे विधानसभेला त्यांचा सहभाग कशा प्रकारचा असेल, उमेदवारांची निवड आणि प्रचारात ते दिसणार का, याची राजकीय वर्तुळात चर्चा सुरु झाली आहे.

Source link