बायको अन् प्रियकराच्या त्रासाला कंटाळून पुण्यात पतीचं धक्कादायक पाऊल

पुणे : पुण्यातल्या वाघोली परिसरातून एक धक्कादायक घटना समोर आली आहे. पत्नीचे विवाहबाह्य संबंध आणि तिच्या प्रियकराकडून होणाऱ्या त्रासाला कंटाळून पतीने आत्महत्या केल्याची धक्कादायक घटना उघडकीस आली आहे. या प्रकरणी लोणीकंद पोलीस ठाण्यामध्ये पत्नीसह तिच्या प्रियकरावर गुन्हा दाखल करण्यात आला आहे.सोपान धोंडीबा केंद्रे (रा. विठ्ठलवाडी, लोणीकंद) असे आत्महत्या केलेल्या पतीचं नाव आहे. या प्रकरणी त्याची पत्नी भाग्यश्री सोपान केंद्रे (रा. कंधार, नांदेड), मधुकर अंबाजी केंद्रे (वे ३५, रा. कंधार, नांदेड) अशी गुन्हा दाखल करण्यात आलेल्यांची नावे आहेत. या प्रकरणी रंभाबाई धोंडीराम केंद्रे (वय ६५) यांनी फिर्याद दिली आहे. घटना ६ एप्रिल २०२४ रोजी ही घडली होती.
RSS on Vidhan Sabha : विधानसभेसाठी संघाचा प्लॅन G, केंद्रातील मवाळ चेहरा महाराष्ट्रात आणणार, भाजप नेत्यांना सूचना

‘तू आमच्यामध्ये येऊ नकोस, नाही तर तुला सोडणार नाही’

पोलिसांनी दिलेल्या माहितीनुसार, ४ एप्रिल २०१६ मध्ये भाग्यश्री आणि सोपान या दोघांचे लग्न झाले होते. हे कुटुंब मुळचे नांदेड येथील असून सध्या ते वाघोली परिसरातील विठ्ठलवाडी भागात राहत होते. त्यानंतर काही दिवसात भाग्यश्री आणि मधुकर केंद्रे यांच्यात विवाहबाह्य संबंध निर्माण झाले. याची माहिती भाग्यश्रीचे पती सोपान यांना समजली. त्यानंतर सोपान यांनी पत्नीला समजावून सांगण्याचा प्रयत्न देखील केला होता. मात्र, पत्नी पतीच्या ऐकण्याच्या मनस्थितीत नव्हती. भाग्यश्री आणि तिचा प्रियकर असलेला मधुकर हा भाग्यश्रीच्या पतीला वारंवार धमक्या देखील देत असल्याचे समोर आले आहे. ‘तू भाग्यश्रीला सोडून दे. मी तिला सांभाळतो. तू आमच्यामध्ये येऊ नकोस. नाही तर तुला सोडणार नाही’, अशी धमकी त्याने सोपान यांना दिली होती.

सोपान केंद्रे यांनी या त्रासाला कंटाळून आपले जीवन संपवले. त्यानंतर लोणीकंद पोलिसांनी या प्रकरणात आकस्मिक मृत्यूचे नोंद देखील केली करण्यात आला आहे. मात्र, सोपान यांनी आरोपीच्या त्रासाला कंटाळून आत्महत्या केल्याचे तपासात समोर आले. त्यानुसार पोलिसांनी आरोपी पत्नी आणि तिच्या प्रियकराविरुद्ध गुन्हा दाखल केला आहे. या प्रकरणाचा अधिक तपास लोणीकंद पोलीस करत आहेत.