फडणवीसांनी अभ्यास करून बोलावे; लाडकी बहीण योजनेच्या विरोधात याचिका करणाऱ्या वडपल्लीवारांनी दिले उत्तर

अनिल वडपल्लीवार म्हणाले, “मी नुकतीच पेपरमध्ये बातमी वाचली आणि मला वाईट वाटले. माझे नाव मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी घेतले. मात्र, मी कोणत्याही सरकारी योजनेला आव्हान दिले नाही किंवा विरोध केला नाही. जनतेच्या पैशाचा योग्य वापर झाला पाहिजे, असे मी आजच्या याचिकेत म्हटले आहे. योजनांच्या माध्यमातून गरिबीचा फायदा झाला तर बरे. वडपल्लीवार पुढे म्हणाले, “काँग्रेसच्या कार्यकाळातही मी याचिका दाखल केल्या आहे. आता या याचिकेला राजकीय वळण लागल्याचे स्पष्ट झाले आहे. मात्र मी कोणत्याही पक्षामार्फत याचिका दाखल केलेली नाही. मी काँग्रेसचा कार्यकर्ता आहे. पण याचा काँग्रेस पक्षाशी काहीही संबंध नाही.
प्रक्षोभक भाषण केल्याप्रकरणी नितेश राणेंविरूद्ध गुन्हा दाखल; म्हणाले होते, कोणी मस्ती केली तर किड्या-मकोड्यासारखे मारू

काँग्रेसने आपल्या कार्यकर्त्यांमार्फत न्यायालयात याचिका दाखल केली असून काँग्रेस लाडकी बहीण योजनेच्या विरोधात असल्याची टिप्पणी राज्याचे उपमुख्यमंत्री देवेंद्र फडणवीस यांनी नुकतीच केली आहे . या योजनेचे यश विरोधकांना पचवता येत नसल्याचेही मुख्यमंत्र्यांनी सांगितले. यावर अनिल वडपल्लीवार यांनी सांगितलं की, हा सत्तेत असलेल्यांचा गैरसमज आहे. याप्रकरणी 18 तारखेला सुनावणी होणार आहे. आमच्या याचिकेत कोणत्याही योजनेला विरोध किंवा आव्हान दिलेले नाही.
Violence Against Women: ‘कट कट कट’ डायरेक्ट कटिंग करून टाकायची, याशिवाय नराधम सरळ होणार नाहीत; अजित पवार पुन्हा बोलले

वडपल्लीवार म्हणाले, “मुख्यमंत्री आणि उपमुख्यमंत्र्यांना चुकीची माहिती देण्यात आली आहे, त्यांनी अभ्यास करून बोलावे. त्यांचा गैरसमज झाला असून याचिकेत त्यांचा उल्लेख नाही. काँग्रेस प्रदेशाध्यक्ष नाना पटोले आणि आमदार विकास ठाकरे यांच्या निवडणुकीत मी निवडणूक प्रतिनिधी होतो. मी काँग्रेसचा कार्यकर्ता आहे, मात्र याचा काँग्रेस पक्षाशी काहीही संबंध नाही, असेही अनिल वडपल्लीवार म्हणाले.

शनिवारी नागपूरात नारी सन्मान महासंमेलनात बोलताना उपमुख्मंत्री देवेंद्र फडणवीस यांनी अनिल वडपल्लीवार यांचा उल्लेख केला होता. वडपल्लीवार हे काँग्रेस प्रदेशाध्यक्ष नाना पटोले आणि काँग्रेस नेते विकास ठाकरे यांच्या निवडणूक प्रमुख तर सुनील केदारचा उजवा हात म्हणून ओळखले जातात असे ते म्हणाले होते.