Ganeshotav 2024: उत्सवाला महागाईचे चटके! मोदक, लाडू, मिठाईसह सुक्या मेव्यांच्या दरांत ३० टक्के वाढ, असे आहेत दर

विशेष म्हणजे चांगल्या काजूसाठी किलोमागे १ हजार ते १०५०-११०० रुपये मोजावे लागत आहेत. तर अंजीर १६०० रुपये किलोवर पोहोचले आहेत. तर २१ मोदकांसाठी ३०० रुपयांहून मोजावे लागत आहेत. गणेशोत्सवात मोदक आणि मोतीचूरच्या लाडवांना सर्वाधिक मागणी असते. या दोन्हीमध्ये सुकामेव्याचा वापर होतो. त्याचवेळी सार्वजनिक गणेशोत्सव मंडळ असो वा घरगुती, या ठिकाणी सुक्या मेव्याचा प्रसादासाठी मोठ्या प्रमाणात वापर होतो. त्यामुळेच गणेशोत्सवात सुकामेव्याची मागणी वाढती असताना दरदेखील प्रचंड वाढले आहेत.

प्रसादामध्ये काजूला सर्वाधिक मागणी असते. मात्र मागील महिन्यात ७५० ते ८०० रुपये प्रति किलो असलेला काजू आता किमान ९५० रुपये प्रति किलो झाला आहे. ९५० रुपयांत तुकडा काजू आहे. चांगल्या व मोठ्या काजूचे दर १ हजार ते १०५०-११०० रुपये प्रति किलोवर गेले आहेत. अनेक ठिकाणी मोदकामध्ये नारळाच्या सारणासह अंजीरचे तुकडे टाकले जातात, मात्र हा अंजीरही आता १६०० रुपये किलोवर गेला आहे. मागील महिन्यापर्यंत हा दर ११०० रुपयांदरम्यान होता. वामध्ये १३००-१४०० रुपये प्रति किलोचा अंजीर उपलब्ध आहे. मात्र सुका व काळसर असून त्याची चवदेखील काहिशी कडवट आंबट असते. उत्तम अंजीरसाठी किलोमागे १६०० ते १८०० रुपये मोजावे लागत आहेत. सुदैवाने बदामाच्या दरात फार वाढ झालेली नाही. किरकोळ बाजारात बदाम ६०० ते ७०० रुपये प्रति किलोवर उपलब्ध आहे.

मोदकासाठीची पिठी १४० रुपयांवर
गणपतीला मोदकाचा नैवैद्य असतो. घरगुती गणपतीत हा मोदक प्रामुख्याने उकडीचा असून तो तांदळाच्या पीठीपासून तयार होतो. एव्ही उत्तम दर्जाचा तांदूळ ६० रुपये किलोदरम्यान असतो. मात्र त्याच तांदळाची पीठी १२० ते १४० रुपये किलोने बाजारात विक्री होत आहे. वाढत्या मागणीमुळे दरवाढ झाल्याचे व्यापारी सांगतात. हल्ली गणेशोत्सवात महाप्रसाद किंवा प्रसाद वितरणला महत्त्व वाढले आहे. सार्वजनिक पातळीवर मोठ्या प्रमाणावर महाप्रसादाचे वितरण होते. त्यामध्ये बुंदीचे लाडू, बुंदीचे मोदक यांचा समावेश सर्वाधिक असतो. त्यामुळेच बेसन, तूप, काजू व किसमिस यांची मागणी आता पुढील १२ ते १५ दिवस सर्वधिक असेल, असे व्यापारी सांगतात.

उत्तम दर्जाला महत्त्व
प्रसादासाठीच्या घटकांच्या दरांत वाड नक्कीच झाली आहे. प्रामुख्याने बुदी किवा मोतीचूरसाठो बेसन आणि सुकामेवा महागला आहे. परंतु प्रसाद महटले की गणेशभक्त किमतीचा फार विचार करीत नाहीत. उत्तम दर्जाच्या प्रसादाला महत्त्व असते. घटक महागल्याने प्रसादाच्या किमतीत १५ ते २० टक्क्यांची वाढ झाली आहे. मात्र मागणी कमी झालेली नाही,’ असे लालबाग येथील मिठाई विक्रेते सिद्धांत राक्षे यांनी सांगितले.
जबरदस्त! ५ वर्ष ​दरमहा मिळतील ​२०००० रुपये, म्हातारपण जाईल आरामात; ज्येष्ठांसाठी आहे खास प्लॅन
पाव किलो मोदक २५०वर
गणेशोत्सव काळात प्रसादासाठी विविध प्रकारचे मोदक बाजारात असतात. मात्र सर्वात साधे माव्याचे (पेड्याचे) मोदकदेखील २५० रुपये प्रति पाव या दराने विक्री होत आहेत. एका पावात १२ ते १४ मोदक बसतात. गणपतीला २१ मोदकांचा नैवेद्य असतो. यामुळेच भक्तांना २१ मोदकांसाठी ३०० रुपयांहून अधिक रक्कम मोजावी लागणार आहे. गणेशोत्सव जसजसा जवळ येईल, हा आकडा वाढत जाईल, असे मिठाई व्यावसायिकांचे म्हणणे आहे.

विविध मोदकांचे दर
(सामान्य आकार)
प्रकार दर (पाव किलो रुपये)
मावा २४०-२५०
चॉकलेट २६०-२८०
केशर २७०-२८०
स्ट्रॉबेरी २८०-२९०
मैंगो २७०-२८०
काजू ३५०-३६०
अंजीर ३८०-४००
सुकामेवा ४२०-४४०