विधानसभेसाठी नवा ट्विस्ट, शरद पवार गटाकडून नवा युवा चेहरा मैदानात! मकरंद पाटलांची डोकेदुखी वाढणार

फलटण पंचायत समितीचे माजी सभापती विश्वजितराजे यांचा सध्या खंडाळा, वाई दौरा सुरू केला आहे. वाई-महाबळेश्वर-खंडाळा विधानसभेसाठी विश्वजीतराजे
नाईक निंबाळकर इच्छुक असल्याची राजकीय वर्तुळात चर्चा सुरू आहे. मालोजीराजे, शिवाजीराजे त्यानंतर रामराजे यांनी फलटण व खंडाळा एकत्र मतदारसंघ असताना केलेली कामे आणि तेव्हापासून जोडलेली माणसे यांच्या भेटी घेऊन विश्वजितराजे जुनी समीकरणे नव्याने मांडण्याच्या प्रयत्नात आहेत. विश्वजीतराजेंनी खंडाळा तालुक्यातील बोरी, आंदोरी, खंडाळा, शिरवळ या भागात भेटीगाठी सुरू केल्या आहेत. राजघराण्याशी तीन पिढ्यांचा संबंध असलेली माणसे व कट्टर कार्यकर्त्यांशी ते चर्चा करत आहेत.
Assembly Elections: मी पक्षाकडे तिकीट मागणार नाही; विधानसभा निवडणुकीच्या तोंडावर भाजप आमदाराने घेतली राजकारणातून निवृत्ती
विश्वजीतराजे यांनी वाई-महाबळेश्वर खंडाळा विधानसभेसाठी चाचपणी सुरू केल्याने या मतदारसंघाची राजकीय समीकरणे बदलतानाचे चित्र दिसत असले तरी विश्वजीतराजे नाईक निंबाळकर यांनी संभाव्य उमेदवारीच्या चर्चेला पूर्णविराम दिला आहे. ते म्हणाले, वाईतून उमेदवारी मला नाही, तर माझ्या मित्राला म्हणजेच स्वर्गीय माजी खासदार प्रतापराव भोसले यांचे नातू यशराज भोसले यांना मिळाली पाहिजे, असे माझं व्यक्तिगत मत आहे.

दरम्यान यशराज भोसले यांनी देखील विश्वजीतराजे यांनी माझं नाव वाई विधानसभेसाठी सुचवलं ह्याबद्दल मी त्यांचा आभारी आहे, अशी वाच्यता केली आहे. भोसले पुढे म्हणाले, या मतदारसंघामध्ये निंबाळकर कुटुंबावर प्रेम करणारा मोठा गट आहे. जरी पक्षाने रामराजे नाईक निंबाळकर यांच्या कुटुंबातील विश्वजीतराजे यांना उमेदवारी दिली तरी आम्ही त्यांचं काम देखील मनापासून करू. शेवटी राष्ट्रवादी काँग्रेसचे ज्येष्ठ नेते शरद पवार साहेब घेतील तो निर्णय आम्हाला मान्य राहील, असं मत त्यांनी व्यक्त केली.
Sharad Pawar: पवारांनी डाव टाकला! घाटगेंना सोबत घेत भाजपला धक्का; ऐतिहासिक गैबी चौकात २ मोठ्या घोषणा
यशराज भोसले यांनी राष्ट्रवादी काँग्रेस शरद पवार पक्षाचे अध्यक्ष शरद पवार यांची नुकतीच भेट घेऊन वाई-महाबळेश्वर-खंडाळा विधानसभा मतदारसंघांमध्ये इच्छुक असल्याचे सुतोवाच दिले होते. त्यानंतर भाजपचे ज्येष्ठ नेते मदन भोसले यांची राष्ट्रवादी काँग्रेसचे प्रदेशाध्यक्ष जयंत पाटील यांनी सातारा येथे निवासस्थानी भेट घेतली होती. भेटीनंतर मदन भोसले देखील राष्ट्रवादी काँग्रेस शरद पवार गटात जाणार असल्याच्या चर्चेला उधाण आले होते. त्यानंतर आता विश्वजीतराजे निंबाळकर यांनी यशराज भोसले यांना उमेदवारी द्यावी, अशी मागणी केली आहे. त्यामुळे वाई विधानसभा मतदारसंघांत आमदार मकरंद पाटील यांना चांगलीच कसरत करावी लागणार आहे, असे चित्र आहे.