एकाच महिलेला किती पदं? दादा गटात ‘रुपाली विरुद्ध रुपाली’ वाद पेटला, ठोंबरेंची जाहीर नाराजी

रुपाली पाटील विरुद्ध रुपाली चाकणकर

अजित पवार यांच्या नेतृत्वातील राष्ट्रवादी काँग्रेसच्या प्रवक्त्या रुपाली पाटील ठोंबरे यांनी रोखठोक भूमिका घेतली आहे. एक व्यक्ती एक पद या न्यायानुसार अजित दादा नक्कीच न्याय देतील. एकाच महिलेला किती पदे देणार? पक्षामध्ये इतरही महिला आहेत त्यांना संधी द्यावी, असं रुपाली पाटील यांनी लिहिलं आहे. रुपाली चाकणकर यांना विधान परिषदेवर संधी मिळणार अशा चर्चा सध्या राजकीय वर्तुळात सुरु आहेत. त्यामुळे रुपाली पाटील विरुद्ध रुपाली चाकणकर असा वाद रंगला आहे.
जयदीप आपटेंना बॉसही वाचवू शकला नाही, अटकेच्या ८ दिवसाआधीच ठाण्यातून जामिनाची तयारी, संजय राऊत यांचा आरोप

रुपाली पाटील यांची खदखद काय?

रुपाली पाटील यांनी विधानपरिषदेवर रुपाली चाकणकर यांना संधी मिळण्यासंदर्भात एक बातमी फेसबुकवर शेअर करत लिहिलं आहे, की “एक व्यक्ती एक पद या न्यायानुसार आमचे मा. अजित दादा न्याय नक्की देतील असा विश्वास आहे. एकाच महिलेला किती पदे देणार? काल पासून बातमी वाचत आहे, बातमीची शहानिशा केली तर पक्षाने कोणतेही पत्र अधिकृत दिले नाही असे सांगितले. पक्षाला कळकळीची विनंती असेल,राष्ट्रवादी काँग्रेस पार्टीमध्ये इतरही महिला आहेत त्या सक्षमतेने, दमदार कामाने मोठ्या आहेत. पक्षात कर्तृत्ववान महिला खूप आहेत. त्या सक्षम, काम करणाऱ्या महिलांचा विचार करावा. इतर महिलांना समान संधी द्यावी. ही विनंती असेल.”
Sunil Shelke : दादांचे आमदार सुनील शेळकेंचा मोठा डाव, काँग्रेस एकनिष्ठ गळास लावला, मावळमध्ये ‘हाता’वर ‘घड्याळ’ भारी

रुपाली पाटलांनी पक्षात नाराजी व्यक्त करण्याची ही पहिलीच वेळ नाही. याआधी जून महिन्यातही त्यांनी अजित पवारांची भेट घेतली होती. महिला आयोगाचं अध्यक्षपद असो किंवा महिला प्रदेशाध्यक्ष पद, ठराविक काळाने सर्व महिलांना समान संधी मिळायला हवी, अशा भावना रुपाली पाटील यांनी व्यक्त केल्या होत्या. तेव्हाही त्यांचा रोख हा रुपाली चाकणकर यांच्याकडे असल्याची चर्चा रंगली होती.