आंबेगावचे राजकारण बदलणार, चाळीस गावांचे शेतकरी एकवटले, ती घटना ठरणार कारणीभूत

निकमांना धक्काबुक्की

एकेकाळी दिलीप वळसे पाटील खंदे समर्थक म्हणून ओळख असलेले देवदत्त निकम यांना भीमाशंकर सहकारी साखर कारखान्याच्या वार्षिक सर्वसाधारण सभेमध्ये ढकलून देण्यात आले. तसेच त्यांना शेतकऱ्यांच्या वतीने आपली बाजू देखील मांडून दिली नाही. या सर्व घटनेचे व्हिडिओ देखील सोशल मीडियावर मोठ्या प्रमाणावर व्हायरल झाले. या घटनेमुळे आंबेगाव तालुक्यातील शेतकरी वर्ग चांगलाच दुखावल्याचे पाहायला मिळत आहे. या घटनेनंतर आंबेगाव तालुक्यातील ४२ गावचे शेतकरी एकवटले असून जे आमच्या जीवावर मोठे झाले त्यांना आता धडा शिकवण्याची वेळ आली असल्याचे या शेतकऱ्यांचे म्हणणे आहे.
BJP Mission for Vidhan Sabha: भाजपने ‘निम्म्याहून जास्त’ जागांचा हट्ट सोडला, विधानसभेला नवे मिशन, खात्री फक्त ५० चीच

धडा शिकवण्याचा चंग

दिलीप वळसे पाटील यांनी शरद पवार यांच्यापासून फारकत घेतल्यानंतर आंबेगाव तालुक्याचे राजकारण बदलताना पाहायला मिळत आहे. त्याचा फटका लोकसभा निवडणुकीत देखील पाहायला मिळाला. मात्र येणाऱ्या विधानसभा निवडणुकीत शेतकरी वर्ग या तालुक्यातील उमेदवाराला चांगलाच धडा शिकवणार असल्याचे आत्ताच्या परिस्थितीमधून पाहायला मिळत आहे. ज्यावेळी धक्काबुक्कीची घटना घडत होती, त्यावेळी सहकार मंत्री दिलीप वळसे पाटील, राज्यमंत्री शिवाजीराव आढळराव पाटील हे या सगळ्या वेळी प्रत्यक्षदर्शी उपस्थित होते. यावेळी त्यांनी कोणतीही ठोस पावले उचलली नसल्याचे पाहायला मिळाले.Bapu Pathare : शरद पवारांचा भाजपला पुन्हा दे धक्का, जुना मोहरा हेरला, माजी आमदार ‘तुतारी’ वाजवणार
एकीकडे आंबेगाव तालुक्याचे राजकारण हे दिलीप वळसे पाटील यांच्या भोवतीच फिरत होते. मात्र राजकीय स्थित्यंतरानंतर आता आंबेगाव तालुक्यामध्ये बदल होण्याची चिन्हे निर्माण होऊ लागले आहेत. या संदर्भात येणाऱ्या काळामध्ये अधिक चित्र स्पष्टपणे समोर येणार आहे. भीमाशंकर साखर कारखाना हा राज्यातील सर्वात चांगल्या कारखान्यांपैकी एक मानला जातो. मात्र एका घटनेने या तालुक्याचे राजकारण फिरणार असल्याचे देखील बोलले जात आहे. अनेक राजकीय विश्लेषक या संदर्भात आपली मते व्यक्त करत आहेत