एकनाथ शिंदेंविरोधात उमेदवार देणार नाही, राज ठाकरेंचा ‘मैत्रीपूर्ण’ निर्णय

आता हीच मैत्री निभावून एकनाथ शिंदेही माहिम विधानसभा मतदारसंघातून आपले उमेदवार आणि विद्यमान आमदार सदा सरवणकर यांना माघार घेण्यास सांगणार का, याची उत्सुकता आहे. तसे झाल्यास मनसे अध्यक्ष राज ठाकरे यांचे सुपुत्र अमित ठाकरे यांच्या पहिल्याच निवडणुकीचा मार्ग तुलनेने सुकर होईल.

राज ठाकरेंनी मैत्री जपली

महाराष्ट्र नवनिर्माण सेना ठाण्यातील चार जागांवर उमेदवार देणार होते. आतापर्यंत चार याद्यांमध्ये अविनाश जाधव यांच्यासह तीन मतदारसंघात उमेदवार जाहीर करण्यात आले होते. कोपरी पाचपाखाडीसाठी अभिजीत पानसे यांचं नाव निश्चित झालं होतं, मात्र अखेरच्या क्षणी राज ठाकरे यांनी मुख्यमंत्र्यांसोबत असलेल्या मैत्रीतून तिथे उमेदवार न देण्याचा निर्णय घेतला. राज ठाकरे हे दोस्तीच्या दुनियेतील राजा माणूस आहेत, अशा शब्दात मनसेच्या काही नेत्यांनी त्यांच्या या निर्णयाचं कौतुक केलं.
Raj Thackeray : राज ठाकरेंनी एकदा मन वळवलं, पण दिवाळीआधी फटाका फुटलाच, बालेकिल्ल्यात नेत्याचा ‘दुखी मनसे’ राजीनामा

कोपरीत दुरंगी लढत

मनसेच्या भूमिकेमुळे कोपरीतील लढत तिरंगी न होता दुरंगी होणार आहे. कारण ठाकरे गटाने येथे आनंद दिघे यांचे पुतणे केदार दिघे यांना तिकीट दिलं आहे. त्यामुळे शिंदे विरुद्ध दिघे असा थेट सामना येथे होईल. शिंदेंना कोपरीत मनसेची रसद मिळणार का, याची उत्सुकता आहे.

सरवणकर माघार घेणार का?

दुसरीकडे, माहिमचे विद्यमान आमदार सदा सरवणकर पुन्हा एकदा शिंदेंच्या शिवसेनेकडून रिंगणात आहेत. या ठिकाणी मनसेने अमित ठाकरे यांना डेब्यू मॅचला उतरवलं आहे. मात्र विद्यमान आमदाराचं तगडं आव्हान अमित ठाकरेंसमोर आहे. त्यामुळे राज ठाकरेंनी दाखवलेल्या ‘दर्यादिली’नंतर अमित यांच्या विरोधातील उमेदवारी शिंदे मागे घेणार का, हे पाहणं महत्त्वाचं आहे. उमेदवारी अर्ज मागे घेण्याची मुदत चार नोव्हेंबरपर्यंत आहे.
Shalini Vikhe : वसंतरावांचं वक्तव्य चुकीचंच, पण सुजयही मेलेल्या आईचं दूध प्यायलेला नाही, शालिनी विखे आक्रमक
नुकतंच अमित ठाकरेंनीही तशी अपेक्षा व्यक्त केली होती, की एकनाथ शिंदेंच्या मुलासाठी – श्रीकांत शिंदेंसाठी माझ्या बाबांनी- राज ठाकरेंनी लोकसभा निवडणुकीच्या वेळी प्रचार सभा घेतली होती, त्यामुळे ते माझ्या विरोधात उमेदवार देतील, असं वाटलं नव्हतं. त्यानंतर राज ठाकरेंनी शिंदेंविरोधात उमेदवार न देण्याचा निर्णय घेतल्याने, आता शिंदेही परतफेड करणार का, हे पाहणं महत्त्वाचं आहे.