दादांच्या मतदारसंघात भाजपची दोस्तीत कुस्ती, सुनील टिंगरेंविरुद्ध जगदीश मुळीक ‘कमळा’वर लढणार

उमेदवारी अर्ज दाखल करण्याच्या शेवटच्या दिवशी शेवटच्या क्षणी जगदीश मुळीक यांना तिकीट मिळालं. पुण्यासह देशभरात गाजलेल्या पोर्श कार अपघात प्रकरणात राष्ट्रवादी काँग्रेसचे विद्यमान आमदार सुनील टिंगरे यांचं नाव आल्याने त्यांच्याविरोधात रोष होता. या पार्श्वभूमीवर मतदारसंघाची अदलाबदल होऊन तो भाजपला सुटेल, अशी आशा जगदीश मुळीक यांना होती. परंतु अजित पवारांनी पहिल्या उमेदवार यादीत गॅसवर ठेवलेल्या टिंगरेंना दुसऱ्या यादीत दिलासा मिळाला.
Gopal Shetty : कधी तावडेंना आणता कधी राणेंना; धर्मशाळा आहे का? साडेचार लाख मतांची लीड घेणाऱ्या गोपाळ शेट्टींचे बंड
त्याचवेळी भाजपचे माजी आमदार जगदीश मुळीक यांनीही मुंबईत उपमुख्यमंत्री देवेंद्र फडणवीस यांची ‘सागर’ बंगल्यावर भेट घेतली. त्यानंतर त्यांनी लढणार आणि जिंकणार असे स्टेटस समाज माध्यमांवर ठेवल्यामुळे त्यांना पक्षाने हिरवा कंदील दिल्याची चर्चा तेव्हाच रंगली होती.

पुण्यातील नाराजी दूर

दुसरीकडे खडकवासला विधानसभा मतदारसंघातून माजी महापौर दत्तात्रय धनकवडे यांनी राष्ट्रवादी काँग्रेसचा अधिकृत उमेदवार म्हणून उमेदवारी अर्ज भरला. कसबा पेठ विधानसभा मतदारसंघातून उमेदवारी न मिळाल्याने नाराज असलेले शहराध्यक्ष धीरज घाटे आणि पर्वतीमधून उमेदवारी न मिळाल्याने नाराज असलेले माजी सभागृह नेते श्रीनाथ भिमाले यांची नाराजी दूर करण्यात भाजपला यश आलं आहे.
Trupti Sawant : मातोश्रीच्या अंगणात मनसेचा ट्विस्ट, नारायण राणेंना पाडणाऱ्या माजी आमदाराला तिकीट जाहीर
पुण्याचे खासदार आणि केंद्रीय राज्यमंत्री मुरलीधर मोहोळ यांच्या प्रयत्नातून घाटे आणि भिमाले दोघेही कसब्याचे उमेदवार हेमंत रासने यांच्या अर्ज दाखल करण्याच्या मिरवणुकीत सहभागी झाले. तत्पूर्वी रासने यांनी घाटे यांच्या निवासस्थानी जाऊन भेट घेतली होती. सोमवारी शिवाजीनगर मतदारसंघाचे उमेदवार सिद्धार्थ शिरोळे आणि पर्वती येथील उमेदवार माधुरी मिसाळ यांचे अर्ज दाखल करताना घाटे आणि भिमाले दोघेही अनुपस्थित होते