Mumbai News: मुंबादेवी विधानसभेचे माजी आमदार म्हणतात ‘मै जिंदा हुं ये पार्टी को बताना था’

मात्र, याही मतदारसंघात बंडखोरीचे चित्र पाहायला मिळेल अशी परिस्थिती निर्माण झालेली होती. मुंबादेवी मतदार संघातील भाजप पक्षाचे माजी आमदार अतुल शाह यांना पक्ष विधानसभा निवडणुकीत आपला विचार करेल असं वाटत होतं. मात्र, महायुतीमार्फत शायना एन सी यांना उमेदवारी जाहीर केली. त्यामुळे याही मतदारसंघात बंडखोरी होईल असं चित्र निर्माण झालेलं होतं.
Shaina NC:अरविंद सावंत मला ‘माल’ म्हणाले, ऑडिओ क्लिप ऐकवत शायना एनसींचे गंभीर आरोप, ठाकरे-पवारांनाही घेरलं
भारतीय जनता पक्षाचे वरिष्ठ नेते असलेले अतुल शाह यांनी मुंबादेवी विधानसभेचे एकदा प्रतिनिधित्व केलेलं आहे. करोना काळात अतुल शाह यांचं उल्लेखनीय कार्य केलेले पाहायला मिळालेलं होतं. माजी नगरसेवक सुद्धा असलेले अतुल शाह यांना तिकीट न दिल्याने २९ ऑक्टोबरला ते अपक्ष उमेदवारी अर्ज भरणार होते. मात्र, ऐनवेळी त्यांनी अपक्ष उमेदवारी अर्ज भरण्याचा विचार सोडत पक्षासाठी काम करणार असल्याचे जाहीर केलं.

‘मै जिंदा हुं ये पार्टी को बताना था’ असं ते यावेळी म्हणाले. मी गेले अनेक वर्ष या ठिकाणी काम करतोय. तिकीट दुसऱ्याला दिलं जातं तेव्हा पक्षाच्या निष्ठावंत कार्यकर्त्यांकडे दुर्लक्ष केले केलं जातं आणि ते दुखावणारे असते, अशी प्रतिक्रिया पण अतुल शाह यांनी महाराष्ट्र टाइम्स ऑनलाइनशी बोलतांना दिली.

मुंबादेवी विधानसभा मतदार संघात महायुतीमार्फत शायना एन सी तर महाविकास आघाडी मार्फत विद्यमान आमदार अमिन पटेल यांना उमेदवारी दिली गेलेली आहे. कॉस्मोपॉलिटन भाग असलेल्या या मतदारसंघात मतदार नेमकं कोणाच्या बाजूने मतदान करतात हे आगामी काही दिवसातच समजेल. मुंबादेवी विधानसभा मतदारसंघात परत एकदा कडवी झुंज पाहायला मिळणार आहे यात शंकाच नाही.