राज ठाकरेंना रणनीती विचारलेली, त्यांनी परस्पर उमेदवारच दिला, माघार नाही, शिंदेंची स्पष्टोक्ती

एकनाथ शिंदे काय म्हणाले?

‘एएनआय’ वृत्तसंस्थेशी संवाद साधताना मुख्यमंत्री एकनाथ शिंदे म्हणाले की राज ठाकरे लोकसभा निवडणुकीच्या वेळी आमच्यासोबत होते. आमचं बोलणं झालं होतं. मी त्यांना विचारलं होतं, की तुमची काय रणनीती आहे? तर ते म्हणाले की शिवसेना भाजप राष्ट्रवादीचं होऊ द्या. त्याच्यानंतर आपण बोलुयात. पण त्यांनी परस्पर उमेदवार उभे केले, असं शिंदे म्हणाले.
Shaina NC: राजपूत वडील, मुस्लीम आई, मारवाडी बालमित्राशी विवाह; शायना यांच्या नावापुढील ‘एनसी’चा अर्थ काय?
माहीम मतदारसंघातील आमचा उमेदवार सदा सरवणकर हे दोन-तीन वेळा आमदार राहिले आहेत. ते जुने कार्यकर्ते आहेत. त्यांच्याशी मी बोललो. मात्र निवडणूक लढण्याबाबत त्यांचे कार्यकर्ते आक्रमक आहेत. त्यांचाही विचार केला पाहिजे, असं म्हणत एकनाथ शिंदे यांनी माघार घेण्यास नकारात्मकता दर्शवली.

Raj Thackeray : गेम फिरला! महायुतीची अडचण, मनसेची उमेदवारी मागे घेण्याचा मेसेज, राज ठाकरेंच्या भेटीनंतर ‘इंजिन’ यार्डात

सरवणकरही ठाम

मनसेकडून राज ठाकरेंचे सुपुत्र अमित ठाकरे रिंगणात असल्यामुळे सदा सरवणकर यांनी माघार घ्यावी, असं मत भाजप नेत्यांनी व्यक्त केलं आहे. परंतु सरवणकरांनी या शक्यता धुडकावून लावल्या होत्या. मी वर्षा बंगल्यावर गेलो, परंतु मुख्यमंत्री एकनाथ शिंदे यांच्याशी भेट झाली नाही, असं सरवणकर म्हणाले होते. ज्याचा एकही आमदार नाही, त्याने मुख्यमंत्री कोण होणार हे सांगणं हे किती हास्यास्पद आहे, असा टोलाही यावेळी सदा सरवणकर यांनी राज ठाकरे यांना लगावला होता. उलट कौटुंबिक स्नेह संबंधांमुळे उद्धव ठाकरेच त्यांचा उमेदवारच माघार घेईल, अशी शक्यताही सरवणकर यांनी बोलून दाखवली होती.