डॉक्टरी पेशाला काळीमा; उपचारासाठी तरुणी क्लिनिकमध्ये, इंजेक्शन देऊन डॉक्टरचं घृणास्पद कृत्य

डॉक्टरकडून तरुणीवर लैंगिक अत्याचार

तुळजापूरमध्ये एक २२ वर्षीय तरुणी सर्दी आणि खोकला झाल्याने उपचारासाठी क्लिनिकमध्ये आली होती. तरुणी डॉ. रमेश लबडे यांच्या क्लिनिकमध्ये औषध घेण्यासाठी गेली होती. २२ वर्षीय तरुणीने दिलेल्या माहितीनुसार, आरोपी डॉक्टर ओम साई क्लिनिकमध्ये काम करतो. सर्दी, खोकल्यासाठी तरुणी डॉक्टरकडे गेल्यानंतर त्याने तरुणीला इंजेक्शन दिलं. इंजेक्शन दिल्यानंतर तरुणी बेशुद्ध पडली.
Nagpur News : एकुलत्या मुलाच्या निधनाने कुटुंबावर दु:खाचा डोंगर, पण आई-वडिलांचा मोठा निर्णय, तिघांना नवजीवन

डॉक्टरचं धक्कादायक कृत्य

तरुणी बेशुद्ध झाल्यानंतर डॉक्टरने तिच्यावर लैंगिक अत्याचार केले. बेशुद्धावस्थेतच त्याने तिच्यासोबत शारीरिक संबंध ठेवले आणि त्याने व्हिडिओही शूट केला. आरोपी डॉक्टरने क्लिनिकमधून तरुणीला एका लॉजवर नेलं. तु माझ्यासोबत बोलत जा, फोन करत जा असं म्हणत आरोपी डॉक्टर तरुणीला लॉजवर घेऊन गेला. तिथेही त्याने तिच्यावर लैंगिक अत्याचार केले. रमेश लबते असं नराधम आरोपी डॉक्टरचं नाव आहे.
Nagpur News : निवडणुकीच्या काळात नदीच्या पुलाखाली काय सापडलं? पोलिसांच्या चौकशीत समोर आली धक्कादायक गोष्ट

तरुणीला ब्लॅकमेल करत जीवे मारण्याची धमकी

त्यानंतर डॉक्टर आरोपीने पीडित तरुणीला शूट केलेला व्हिडिओ दाखवून तिला तो व्हायरल करण्याची धमकी दिली. व्हिडिओ दाखवून तिला ब्लॅकमेल करण्याचा प्रयत्न केला. तसंच व्हिडिओ व्हायरल करण्याचं सांगत, बदनामी करण्याची तसंच तिला जीवे मारण्याची धमकीही दिला. अतिशय घाबरलेल्या तरुणीने घरी आल्यानंतर संपूर्ण प्रकार आपल्या पालकांना सांगितला.

त्यानंतर पीडित तरुणी आणि तिच्या आई – वडिलांनी तुळजापूर पोलीस ठाण्यात याप्रकरणी तक्रार दाखल केली. या घटनेने परिसरात खळबळ उडाली आहे. या प्रकारानंतर आरोपी डॉक्टर फरार असून पोलिसांकडून त्याचा शोध सुरू आहे. आरोपीवर अनेक कलमांतर्गत गुन्हा दाखल करण्यात आला आहे.