Mumbai News: फटाक्यांचा उत्साह, आगीला निमंत्रण; मुंबईत पाच दिवसांत आगीच्या ६९ घटना

दिवाळीत फटाके वाजवताना नेमकी कोणती काळजी घ्यावी, यासाठी मुंबई अग्निशमन दलाने काही सूचना केल्या आहेत. मात्र, या सूचनांचे पालन होताना दिसत नाही. परिणामी फटाके फोडण्याच्या उत्साहामुळे आगीच्या घटनांना निमंत्रणच दिले जात आहे.

मुंबईकरांनी दिवाळी अधिकाधिक पर्यावरणपूरक साजरी करावी, ध्वनिविरहित फटाक्यांचा वापर करण्यास प्राधान्य देत कमीतकमी वायू व ध्वनिप्रदूषण करणारे फटाके फोडावेत, फटाके फोडण्याची वेळ रात्री १० वाजेपर्यंत मर्यादित ठेवावी, असे आवाहन मुंबई महापालिकेने केले होते. तसेच फटाके फोडताना नेमकी कोणती काळजी घ्यावी, याबाबत काही सूचनाही केल्या होत्या. इमारतीच्या आत व जिन्यावर फटाके फोडू नयेत, फटाके फोडण्यासाठी आगपेटी अथवा लायटरचा वापर टाळावा, झाडे, ओव्हरहेड विद्युत तार किंवा उंच इमारतीजवळ हवेत उडणारे फटाके फोडू नये, खिडक्यांच्या पडद्याजवळ पणत्या किंवा दिवे लावू नये, विजेच्या तारा, गँस पाईपलाईन किंवा पार्किंगच्या ठिकाणी फटाके फोडू नये अशा सूचनांचा यात समावेश आहे. मात्र याकडे दुर्लक्षच केल्याचे दिसून येते.
बुलेट ट्रेनच्या कामाला वेग! आतापर्यंत किती काम पूर्ण? मुंबई-अहमदाबाद बुलेट ट्रेनचे लेटेस्ट अपडेट
२९ ऑक्टोबर ते २ नोव्हेंबर या कालावधीत फटाक्यांमुळे आग लागल्याच्या ६९ घटना घडल्या. यासंदर्भात मुंबई अग्निशमन दलाकडेही कॉल आले आहेत. एकूण घटनांपैकी १४ आगीच्या घटना शहरात, तर उपनगरांत ५५ घटना घडल्याची माहिती अग्निशमन दलातील वरिष्ठ अधिकाऱ्याने दिली. १ नोव्हेंबरला लक्ष्मीपूजनच्या दिवशी २५ घटना मुंबईत घडल्या. तर, २ नोव्हेंबरला पाडव्याच्या दिवशी २२ घटना घडल्या. गेल्या वर्षी १० नोव्हेंबर ते १५ नोव्हेंबर या दिवाळीच्या कालावधीत आगीच्या ७९ घटना घडल्या होत्या.
तो लपाछपीचा डाव ठरला शेवटचा, ६ वर्षीय मुलासोबत खेळताना भयंकर घडलं, परिसरात हळहळ
तारीख शहर उपनगर
२९ ऑक्टोबर १ २
३० ऑक्टोबर १ ५
३१ ऑक्टोबर ३ १०
१ नोव्हेंबर ४ २१
२ नोव्हेंबर ५ १७
एकूण १४ ५५