Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
माहीममधून शिंदेंचा उमेदवार कायम, राजू पाटलांचा जोरदार हल्ला, बाप-लेकाची दानत माहितीय
Raju Patil on CM Eknath Shinde : विधानसभा निवडणुकीचे अर्ज मागे घेण्याची आज शेवटची तारीख होती. अनेक ठिकाणी अर्ज मागे घेतले गेले तर माहीमध्ये शिंदे गटाच्या सदा सरवणकर यांनी आपली उमेदवारी मागे घेतली नाही. याच पार्श्वभूमीवर बोलताना मनसे आमदार राजू पाटील यांनी मुख्यमंत्र्यांवर जोरदार टीका केली.
राजू पाटलांचा मुख्यमंत्र्यांवर निशाणा
मी माझ्या सहकार्यांना सांगितलं आहे, इथं आपला उमेदवार दिला आहे. मला या बाप-लेकाची दानत माहिती आहे. जे बाळासाहेबांचे नाही झाले ते राज ठाकरेंचे होणार आहेत का, त्यामुळे या गोष्टी मला तरी लोकल राजकारण म्हणून माहिती होतं. जो मला पाच वर्ष लोकांनी त्रास दिलेला आहे त्या अनुषंगाने किंवा मी त्यांना क्रॉस केलेलं आहे, ते वचपा काढण्यासाठी कुठेतरी सुडाची भावना ठेवून उमेदवार देणार हे मला माहिती होतं, अस राजू पाटील यांनी म्हटलं आहे. राजू पाटील यांनी थेट एकनाथ शिंदे आणि श्रीकांत शिंदेंवर टीकास्त्र डागलंय.
सदा सरवणकर काय म्हणाले?
मुख्यमंत्र्यांनी आम्हाला राज ठाकरे यांच्याशी चर्चा करून ते जो काही निर्णय देतील तो निर्णय घ्यायला लावला होता. त्यानुसार माझा मुलगा आणि कार्यकर्ते त्यांच्याशी चर्चा करायला गेले होते पण ठाकरेंनी त्यांना टाळलं. राज ठाकरे मला भेटलेच नाहीत त्यामुळे मी तरी रकाय निर्णय घेणार, पण आता विषय संपला असून मी निवडणूक लढवणार असल्याचं सदा सरवणकर यांनी म्हटलं आहे. दरम्यान, मुंबईच्या माहीम मतदारसंघामध्ये आता तिरंगी लढत रंगणार आहे. अमित ठाकरे vs सदा सरवणकर vs महेश सावंत यांना उमेदवारी दिली गेली आहे. कोण विजयी होणार याकडे सर्वांचे लक्ष लागलं आहे .
लेखकाबद्दलहरिश मालुसरे महाराष्ट्र टाइम्स ऑनलाईन टीममध्ये सिनिअर डिजिटल कंटेंट प्रोड्युसर म्हणून कार्यरत. क्रीडा, राजकीय आणि क्राईम बातम्यांमध्ये विशेष आवड. झी 24 तास आणि टीव्ही9 मराठीसह पत्रकारिता क्षेत्रात 04 वर्षांचा अनुभव…. आणखी वाचा