माझ्या मुलाचा घातपात, बाळू धानोरकरांच्या आईचा गंभीर आरोप, सून प्रतिभा धानोरकरांबाबतही बोलल्या

मोठ्या मुलासाठी मतादारापुढे हात जोडतेय आई

खासदार प्रतिभा धानोरकर यांनी त्यांचे भाऊ प्रवीण काकडे यांना काँग्रेसची उमेदवारी मिळावी यासाठी पूर्ण ताकद लावली. अपक्षेप्रमाणे प्रवीण काकडे यांना उमेदवारी मिळाली. मात्र, वरोरा विधानसभा मतदारसंघातून लढण्याची तयारी दिवंगत बाळू धानोरकर यांचे मोठे भाऊ अनिल धानोरकर यांनी केली होती. काकडे यांना काँग्रेसने उमेदवारी दीली. त्यामुळे अनिल धानोरकर यांनी वंचित बहुजन आघाडीकडून उमेदवारी दाखल केली आहे. बाळू धानोरकर यांच्या आई वत्सलाताई धानोरकर मतदारसंघात मोठ्या मुलाचा प्रचार करताना दिसत आहेत. मतदारांना हात जोडून मुलाला विजयी करा, अशी विनवणी त्या करीत आहेत.
Ramdas Athawale: भाजप-सेना-NCP चा प्रचार, उमेदवार नसल्याने शेकडो कार्यकर्ते नाराज, आठवलेंचा हात सोडला

धानोरकर कुटुंब विभक्त झाले

बाळू धानोरकर यांच्या पत्नी आणि विद्यमान खासदार प्रतिभा धानोरकर यांच्यावर त्यांनी विविध आरोप केले आहेत. बाळू धानोरकर यांच्या मोठ्या भावाला काँग्रेसची उमेदवारी मिळू नये, यासाठी सुनेने प्रयत्न केले. स्वतःच्या भावाला तिकीट मिळवून दिले, असा आरोप वत्सलाताई धानोरकर यांनी केला आहे.

आजपर्यंत एकत्र असलेले धानोरकर कुटुंब विभक्त झाल्याचे चित्र मतदार संघात दिसत आहे. दुसरीकडे, माझ्या मुलाचा जवळच्यांनी अथवा बाहेच्यांनी घात केला असावा, अशी शंका वत्सलाताई धानोरकर यांनी उपस्थित केली आहे. त्याचा मृत्यूची चौकशी व्हायला हवी, असंही त्या म्हणाल्या आहेत.