महिलांवरील आक्षेपार्ह विधाने खपवून घेणार नाही; निवडणूक आयोगाचा राजकीय पक्षांना स्पष्ट इशारा

आगामी विधानसभा निवडणुकीच्या तयारीचा आढावा घेण्यासाठी केंद्रीय निवडणूक आयोगाने शुक्रवारी आढावा बैठकीचे आयोजन केले होते. या बैठकीत सर्व जिल्हा निवडणूक अधिकारी, पोलिस अधीक्षक, महानगरपालिका आयुक्त, पोलिस आयुक्त आणि निवडणूक निर्णय अधिकारी यांनी सहभाग घेतला. या बैठकीत निवडणूक आयोगाने व्हिडिओ कॉन्फरन्सिंगच्या माध्यमातून सहभागी होत निवडणुकीसंदर्भातील महत्त्वाचे निर्देश दिले.

विधानसभा निवडणुकीसाठी १५ दिवसांचा कालावधी उरला असून मुक्त, निष्पक्ष आणि शांततापूर्ण निवडणुकांसाठी जिल्हा निवडणूक अधिकारी, जिल्हा पोलिस अधीक्षक, पोलिस आयुक्त आणि निवडणूक निर्णय अधिकारी यांनी अधिक जवाबदारीने कार्य करण्याची सूचना आयोगाने केली. तर तक्रार निवारणासाठी, सर्वांसाठी समानपणे उपलब्ध राहावे. आपल्या नेमून दिलेल्या कामाच्या बाबतीत कोणतीही तडजोड करू नये. याशिवाय अधिकाऱ्यांना सूचित केले आहे. सर्व पक्ष आणि उमेदवारांसाठी समान संधी प्रदान करावी, अन्यथा कारवाईला सामोरे जावे लागेल, अशी ताकीद आयोगाकडून देण्यात आली आहे.
एक है तो सेफ है! नाशिक, धुळ्यातील सभेत पंतप्रधान नरेंद्र मोदींचा नवा नारा, कॉंग्रेसवर हल्लाबोल
शहरी भागांतील मतदानाचा टक्का वाढवा
शहरी भागांतील मतदार सहभाग वाढवण्यासाठी मुख्य निवडणूक आयुक्त राजीवकुमार यांचा जिल्हा निवडणूक अधिकारी आणि महानगरपालिका आयुक्तांना निर्देश दिले असल्याचे कळते. ज्यावेळी बस्तर (६८%) आणि गडचिरोली (७८%) सारख्या नक्षल प्रभावित भागांतील मतदार मतदान करू शकतात, तर कुलाबा आणि कल्याणमधील मतदार का नाही, असा प्रश्न निवडणूक आयुक्त राजीव कुमार यांनी उपस्थित केला. तर २०१९ मध्ये कुलाब्यामध्ये फक्त ४०% मतदान नोंदवले गेले याबाबत मुख्य निवडणूक आयुक्त राजीवकुमार यांनी चिंता व्यक्त केली. संपूर्ण देशातील संवेदनशील भागांपैकी मणिपूरमध्ये लोकसभा निवडणुकांमध्ये ७८% मतदान झाले, तर मुंबई दक्षिण भागात जिथे उच्चभ्रू मतदारसंघात निम्मे मतदार मतदानाला गैरहजर होते. त्यामुळे राज्यातील सर्व अधिकाऱ्यांना विशेषतः शहरी भागांतील मतदारांपर्यंत पोहोचून विविध माध्यमांद्वारे त्यांना मतदानाचा हक्क बजावण्यासाठी प्रोत्साहित करण्याचे निर्देश दिले.
आमच्या योजना बंद होणार नाहीत; Ladki Bahin Yojanaवरुन मुख्यमंत्री एकनाथ शिंदेंचे मोठं विधान
शासकीय वाहनांवर लक्ष ठेवा
मतदारांना आकर्षित करण्यासाठी रोख रक्कम, दारू, औषधे किंवा अन्य मोफत वस्तूंचे प्रलोभन देण्याबाबतचे प्रयत्न होत असल्यास त्यावर लक्ष ठेवावे. रोकड किंवा मौल्यवान वस्तूंच्या वाहतुकीसाठी शासकीय वाहनांचा, जसे की रुग्णवाहिका किंवा व्हॅन याचा वापर होणार नाही, याची खात्री करण्याची सूचना मुख्य निवडणूक आयुक्त राजीव कुमार यांनी दिले. तर प्रचारबंदीच्या काळात, विशेषत: रात्रीच्या गस्तीसह कडक निरीक्षण करण्याचे आदेशही त्यांनी यावेळी दिले.