राज ठाकरेंची कन्या उर्वशी ठाकरेंच्या अपघातानंतर उद्धव काकांनी काय केलेलं?

राज ठाकरे प्रचारसभेत काय म्हणाले?

ज्यावेळी उद्धव आजारी पडला, त्यावेळी पहिला गाडी घेऊन मी तिथे गेलो होतो. मी अलिबागला असताना मला बाळासाहेबांचा फोन आला, की अरे तुला कळलं का? असं असं झालंय… मी म्हटलं हो, मी निघालोय, मी परिवाराच्या आड कधीही राजकारण येऊ दिलं नाही, असा किस्सा राज ठाकरे यांनी सांगितला. नाती आणि राजकारण यांच्यात कधीही गल्लत होऊ न दिल्याचं ते सांगत होते.
Amit Thackeray : माझ्या काकांना वाईट वाटलं, माहीममध्ये त्यांचा उमेदवार येताच मी पहिला फोन केला… अमित ठाकरेंनी सगळंच सांगितलं

आदित्यंविरोधात उमेदवार न दिल्याची आठवण

आदित्य ठाकरेंच्या मनसेने उमेदवार दिला नसताना अमित ठाकरेंच्या विरोधात मात्र उमेदवार देण्याच्या ठाकरे गटाच्या पवित्र्यावर ते भाष्य करत होते. “२०१९ मध्ये वरळीतून जेव्हा आदित्य निवडणुकीला उभा होता, तिथे महाराष्ट्र नवनिर्माण सेनेची ३७-३८ हजार मतं असूनही मी म्हटलं की आमच्या कुटुंबातला पहिला माणूस उभा राहतोय, मी तिथे उमेदवार देणार नाही. ही माझ्या मनातून आलेली गोष्ट होती, मी कुणाला फोन नाही केला, की मी यावेळी टाकत नाहीये, पुढच्या वेळी मला सांभाळून घ्या, असल्या फालतू भिका मी नाही मागत. माझ्याकडून चांगुलपणाच्या जेव्हा गोष्टी होतील तेवढ्या केल्या. आज अमित उभा राहत असतानाही मी भिका नाही मागणार, असं राज ठाकरे काल म्हणाले होते.
IANS-Matrize Opinion Poll : ना उद्धव ना राज, मुंबई ठाकरेंवर नाराज? दोघांनाही एक-आकडी जागा, ओपिनियन पोलचे हादरवणारे अंदाज

दहा वर्षांपूर्वी उर्वशी ठाकरेंचा अपघात

नोव्हेंबर २०१४ मध्ये राज ठाकरेंची कन्या उर्वशी १९ वर्षांच्या असताना त्यांचा अपघात झाला होता. महालक्ष्मी भागात बाईकवरुन जाताना अपघात होऊन त्यांचा पाय फ्रॅक्चर झाला होता. त्यावेळी उद्धव ठाकरेंनी हॉस्पिटलला जाऊन पुतणीची विचारपूस केली होती.

बाळासाहेबांच्या निधनानंतरही एकत्र

त्याआधी नोव्हेंबर २०१२ मध्ये बाळासाहेब ठाकरे यांचे निधन झाले, त्यावेळी राज ठाकरे अंत्ययात्रेत सहभागी झाले होते. त्यावेळी राज आणि उद्धव एकत्र असल्याचे अनेक क्षण कॅमेरात कैद झाले होते.

दरम्यानच्या काळात, अमित ठाकरेंच्या आजारपणावेळी मनसेचे नगरसेवक शिवसेनेने फोडल्याचा राग, भाषणातून उद्धव ठाकरेंनी राज यांची उणीदुणी काढणं असो, युतीसाठी राज ठाकरेंनी हात पुढे करुनही उद्धव दादूने टाळी न देणं, अशा अनेक गोष्टींनी भावभावात दरी पडत गेली.