पृथ्वीराज चव्हाणांना रिटायर होण्याचा सल्ला, साताऱ्यात येऊन प्रमोद सावंतांचा हल्लाबोल

गोव्याचे मुख्यमंत्री प्रमोद सावंतांनी माजी मुख्यमंत्री पृथ्वीराज चव्हाणांवर नाव न घेत टीका केलीय. कराड दक्षिण विधानसभेचे भाजप उमेदवार अतुल भोसले यांच्या प्रचारार्थ ते साताऱ्यात आले होते. यावेळी माध्यमांशी बोलताना त्यांनी चव्हाणांना रिटायर होण्याचा सल्ला दिला आहे. काँग्रेसच्या उमेदवारांनी रिटायर होऊन घरी जावं, आता वय ७८ झालंय, पूरे करा असा टोला त्यांनी लगावला. जे विकास करण्यासाठी समर्थ नाहीत अशांना घरी पाठवण्याशिवाय पर्याय नाही, असंही ते म्हणाले. नव्या दमाचे कर्तुत्ववान अतुल भोसले यांना लोकांनी निवडून आणावं, असे आवाहन त्यांनी केले.